Ա․ Լոպուխին
Տիրոջ Հրեշտակը պատասխան տվեց ու ասաց. «Տեր Ամենակալ, մինչև ե՞րբ չես ողորմելու Երուսաղեմին ու Հուդայի երկրի քաղաքացիներին, որոնց վրա արդեն յոթանասուն տարի է, ինչ Դու բարկացած ես»: (Սինոդական թարգ․)[12]
Այդ իսկ պատճառով Տեր Աստծու Հրեշտակը Ամենակալ Տիրոջ մոտ բարեխոսությամբ է հանդես գալիս, որպեսզի Նրա ողորմությունը վերադառնա Երուսաղեմին և հրեաների ամբողջ երկրին, որն արդեն յոթանասուն տարի Տիրոջ բարկության տակ է: 15−րդ համարից, ինչպես նաև երկրորդ և ութերորդ տեսիլքներից, պարզ է դառնում, որ ընտրյալ ժողովրդի համար Տիրոջ հրեշտակի բարեխոսությունն իր բովանդակությամբ հիշեցնում է Հայտնության գրքի 6:10−րդ համարը. «Սուրբ և ճշմարի՛տ Տեր, մինչև ե՞րբ պիտի չդատես ու վրեժ չլուծես» և այլն:
--------------------------------
[12](Էջմիածին թարգ․) Պատասխանեց Հրեշտակը եւ ասաց. «Տէ՛ր Ամենակալ, մինչեւ ե՞րբ չես ողորմելու Երուսաղէմին եւ Յուդայի երկրի քաղաքներին, որոնց այս եօթանասուն տարի է, ինչ անտես ես արել»:
(Արարատ թարգ․) Եվ Տիրոջ հրեշտակը պատասխանեց և ասաց. «Ո՛վ Զորքերի Տեր, մինչև ե՞րբ չես գթալու Երուսաղեմին և Հուդայի քաղաքներին, որոնց վրա յոթանասուն տարի է՝ զայրացած ես»։
(Գրաբար) Պատասխանի ետ հրեշտակն եւ ասէ. Տէր ամենակալ, մինչեւ ցե՞րբ ոչ ողորմեսցիս ի վերայ Երուսաղէմի եւ քաղաքացն Յուդայ, զորս անտես արարեր այս եւթանասուներորդ ամ։
Հաղորդում կայքում սխալի վերաբերյալ
Տվյալ հատվածում առկա է սխալ: