Ա․ Լոպուխին
Մարդիկ շատ վախեցան ու ասացին նրան. «Ինչի՞ համար ես դու այդ բանը արել»: Քանի որ այդ մարդիկ իմացան, որ նա փախչում է Տիրոջ ներկայությունից, ինչպես որ ինքը հայտնեց նրանց: (Սինոդական թարգ․)[10]
Այս համարում ներկայացվում են մարգարեի պատմությունից նավաստիների ստացած տպավորությունները: «Մարդիկ շատ վախեցան… քանի որ այդ մարդիկ իմացան, որ նա փախչում է Տիրոջ ներկայությունից»․ սա նշանակում է, որ նրանց վախը կրոնական էր. նրանք վախենում են Տեր Աստծուց, սարսափում են Նրա մեծությունից ու հզորությունից: Անկասկած, նավաստիները նաև զգում են, որ իրենց առաջ սովորական մարդ չէ կանգնած, այլ հայտնություն ստանալու համար Աստծու կողմից ընտրված մեկը, չնայած որ նա Տիրոջ առաջ մեծ մեղավոր էր. սա ակնառու է դառնում Հովնան մարգարեի հանդեպ նրանց հետագա վերաբերմունքից (12−14 համարներ):
--------------------------------
[10](Էջմիածին թարգ․) Մարդիկ շատ վախեցան եւ ասացին նրան. «Այդ ի՞նչ ես արել» (որովհետեւ իմացան, թէ փախել է Տիրոջից, քանի որ պատմեց նրանց):
(Արարատ թարգ․) Եվ այն մարդիկ շատ վախեցան և նրան ասացին. «Այդ ի՜նչ ես արել դու», որովհետև այդ մարդիկ իմացան, որ նա փախչում է Տիրոջ երեսից, քանզի պատմել էր նրանց։
(Գրաբար) Եւ երկեան արքն երկեւղ մեծ եւ ասեն ցնա. Զի՞նչ գործեցեր զայդ. զի գիտացին, թէ յերեսաց Տեառն փախուցեալ էր՝ քանզի պատմեաց նոցա։
Հաղորդում կայքում սխալի վերաբերյալ
Տվյալ հատվածում առկա է սխալ: