Սուրբ Հովհան Ոսկեբերան
Գինի էին խմում եւ օրհնում էին ոսկեայ, արծաթեայ, պղնձեայ, երկաթեայ, փայտէ եւ քարէ աստուածներին, իսկ յաւիտենական Աստծուն, որ իշխանութիւն ունէր նրանց հոգիների վրայ, չօրհնեցին:
Ինչո՞ւ նրանց մոտ աստվածների նմանատիպ տարբերակում գոյություն ուներ: Սատանան, ցանկանալով զրկել նրանց ցանկացած արդարացումից, հաճախ նրանց փայտե աստվածներ պատրաստել էր ներնչում, որպեսզի նրանք նույնիսկ նյութի թանկությունը արդարացում չդարձնեին: Այնուհետև նրանք «փառավորում» էին դրանց։
Ա. Լոպուխին
«Գինին խմեցին և փառաբանեցին ոսկե ու արծաթե, պղնձե, երկաթե, փայտե և քարե աստվածներին»։ (Սինոդական թարգ․) [4]
Տե՛ս Դանիելի մարգարեության մեկնություն գլուխ 6(5):2
-------------------------------
[4](Էջմիածին թարգ․) Գինի էին խմում եւ օրհնում էին ոսկեայ, արծաթեայ, պղնձեայ, երկաթեայ, փայտէ եւ քարէ աստուածներին, իսկ յաւիտենական Աստծուն, որ իշխանութիւն ունէր նրանց հոգիների վրայ, չօրհնեցին:
(Արարատ թարգ․ 5։4) Խմեցին գինին և գովեցին ոսկե ու արծաթե, պղնձե, երկաթե, փայտե և քարե աստվածներին։
(Գրաբար) Ըմպէին գինի, և օրհնէին զաստուածս զոսկեղէնս՝ և զարծաթեղէնս՝ և պղնձիս՝ և զերկաթիս, և զփայտեղէնս՝ և զքարեղէնս. և զԱստուածն յաւիտենից ո՛չ օրհնեցին, որ ունէր իշխանութիւն ոգւոց նոցա։
Պատմամշակութային մեկնություն
Աստվածների փառաբանումը: Բաղդասարը և նրա կառավարությունը քաջ գիտակցում էին, որ կայսրությունը մեծ վտանգի տակ էր, և որ հաջորդ մի քանի օրերը կարող էին ճակատագրական լինել իրենց համար: Նրանք հույս ունեին, որ աստվածները կօգնեին իրենց հաղթելու թշնամուն, ինչպես եղել էր Նաբուգոդոնոսորի մեծ հաղթանակների ժամանակ: Այդ նպատակով նրանք «խմում և գովում են աստվածներին» և հիշատակում են նրանց նախկին հաղթանակները: Հնարավոր է նաև, թեև այս մասին ուղղակիորեն չի խոսվում, որ այդ անոթներով աստվածներին հեղումներ են արվել: Նրանք իրենց աղոթքներն ուղղում էին ոչ միայն Մարդուկին՝ Բաբելոնի հովանավորին, այլ նաև մյուս քաղաքների աստվածներին, որոնց արձաններն այս անհանգիստ ժամանակներում հավաքել էին Բաբելոնում:
Հաղորդում կայքում սխալի վերաբերյալ
Տվյալ հատվածում առկա է սխալ: