Բացատրական աստվածաշունչ, Ա. Պ. Լոպուխինի (†1904)
13-16. «Այնժամ Տերը, ի պատասխան ինձ հետ խոսող հրեշտակի, ասաց բարի խոսքեր, մխիթարության խոսքեր»: [13] «Եվ Հրեշտակը, որ խոսում էր ինձ հետ, ասաց. «Հայտարարի՛ր ու ասա՛. այսպես է ասում Զորությունների Տերը. Ես խիստ նախանձախնդիր եղա Երուսաղեմի և Սիոնի համար»»։ «Եվ մեծ ցասումով բարկանում եմ այն ազգերի վրա, որոնք ապրում են խաղաղության մեջ, որովհետև երբ Ես փոքր-ինչ բարկանում էի, նրանք ավելացնում էին չարիքը»։ «Ուստի այսպես է ասում Տերը. «Ես ողորմությամբ պիտի դառնամ Երուսաղեմ. այնտեղ պիտի շինվի Իմ տունը, - ասում է Զորությունների Տերը, - և չափալար պիտի ձգվի Երուսաղեմի շուրջ»»։ (Սինոդական թարգ․)
Բարի խոսքերի և մխիթարական խոսքերի բովանդակությունը (13-րդ համար), որ Տերն ուղղակիորեն ասաց Երուսաղեմի և մյուս քաղաքների մասին, որոնք Տերն Իրենն է կոչում (17-րդ համար), հետևյալն է. մոտենում է ընտրյալ ժողովրդի աղետների վերջը. Երուսաղեմում կկառուցվի տաճարը (հետևաբար, Տեր Աստվածը, որ բնակվում է տաճարում, կրկին մոտ կլինի Իր ժողովրդին),և քաղաքն ինքը նույնպես կվերաշինվի: Կմոռացվեն գերության նեղությունները, քանի որ Աստծու բարեհաճությունը պիտի հայտնի լինի բարիքների լիությամբ, որոնցով պիտի առատանան ճշմարիտ Աստծուն երկրպագողների քաղաքները:
--------------------------------
[13](Էջմիածին թարգ․) Ամենակալ Տէրը պատասխանեց Հրեշտակին, որ խօսում էր ինձ հետ, ասում բարութեան եւ մխիթարութեան խօսքեր:
(Արարատ թարգ․) Եվ Տերը բարի խոսքերով, մխիթարական խոսքերով պատասխանեց ինձ հետ խոսող հրեշտակին։
(Գրաբար) Եւ պատասխանի ետ Տէր ամենակալ հրեշտակին՝ որ խաւսէր յիս՝ բանս բարեաց եւ բանս մխիթարութեան։
Հաղորդում կայքում սխալի վերաբերյալ
Տվյալ հատվածում առկա է սխալ: