Սուրբ Եփրեմ Ասորի
Ահա, իբրեւ առիւծ, Յորդանան գետի յորձանքներից դուրս պիտի գայ դէպի Եթամա վայրը, որպէսզի արագօրէն հալածեմ նրան այնտեղից ու բոլոր երիտասարդներին ոտքի հանեմ նրա դէմ: Ո՞վ է ինձ նման, ո՞վ կը համարձակուի ելնել իմ դէմ, ո՞վ է այն հովիւը, որ կը կանգնի ինձ հակառակ»:
Մարգարեն սա ասում է Դարեհ Մեդացու մասին, և նրա վայրագությունն ու սրընթացությունը ցույց են տալիս առյուծների պատկերով, որոնք, Հորդանանի անտառներից դուրս գալով, հարձակվում են Եթամա հովտի հովիվների հոտերի վրա: Մարգարեն սա ասում է հրեաներին, ովքեր գիտեին այս առյուծների դաժանության մասին: Նույն համեմատությունը նա օգտագործում է նաև ավելի վաղ (19), երբ պատկերում է քաղդեացիների՝ դեպի Եդոմ կատարած արշավանքը:
Ա. Լոպուխին
«Ահա, նա առյուծի պես բարձրանում է Հորդանանի բարձունքներից բարձրանում է դեպի ամրացված բնակավայրերը. բայց Ես պիտի ստիպեմ նրանց ակնթարթորեն փախչել այնտեղից, և, ով որ ընտրված է, նրա´ն կկարգեմ նրանց վրա: Որովհետև ո՞վ է Ինձ նման. և ո՞վ պիտի պատասխան պահանջի Ինձնից: Եվ ո՞ր հովիվը պիտի ընդդիմանա Ինձ»։ (Սինոդական թարգմ.) [44]
Տե՛ս Երեմիայի մարգարեության մեկնություն գլուխ 50:1
-----------------------------------------
[44](Էջմիածին թարգմ.) Ահա, իբրեւ առիւծ, Յորդանան գետի յորձանքներից դուրս պիտի գայ դէպի Եթամա վայրը, որպէսզի արագօրէն հալածեմ նրան այնտեղից ու բոլոր երիտասարդներին ոտքի հանեմ նրա դէմ: Ո՞վ է ինձ նման, ո՞վ կը համարձակուի ելնել իմ դէմ, ո՞վ է այն հովիւը, որ կը կանգնի ինձ հակառակ»:
(Արարատ թարգմ.) Ահա առյուծի պես Հորդանանի թավուտներից բարձրանում է ապահով փարախի դեմ. որովհետև նրանց ակնթարթորեն փախչել կտամ այնտեղից. ո՞վ է ընտրված, որ նրա վրա կարգեմ, որովհետև ո՞վ է ինձ նման, և ո՞վ է նա, որ ինձ ատյան պիտի կանչի, և ո՞վ է այն հովիվը, որ պիտի կանգնի իմ առաջ։
(Գրաբար) ահաւադիկ իբրեւ զառեւծ ելցէ ի յորձանացն Յորդանանու ի տեղին Եթամայ. զի երագերագ հալածեցից զնա ի նմանէ. եւ զամենայն երիտասարդս յարուցից ի վերայ նորա։ Զի ո՞վ ոք է իբրեւ զիս. եւ ո՞վ ընդդէմ դառնայցէ ինձ. եւ ո՞վ ոք հովիւ կայցէ հակառակ։
Հաղորդում կայքում սխալի վերաբերյալ
Տվյալ հատվածում առկա է սխալ: