Ա. Պ. Լոպուխին (†1904)
8-11․ «Որովհետև այսպես է ասում Զորությունների Տերը. «Փառքի համար Նա Ինձ ուղարկեց այն ազգերի մոտ, որոնք կողոպտեցին ձեզ, որովհետև ձեզ դիպչողը դիպչում է Նրա աչքի բիբին»»։ [8] «Եվ ահա Ես պիտի բարձրացնեմ Իմ ձեռքը նրանց վրա, և նրանք պիտի դառնան իրենց ծառաների ավարը, և այն ժամանակ դուք պիտի ճանաչեք, որ Զորությունների Տերն է Ինձ ուղարկել»։ «Ցնծա՛ և ուրախացի՛ր, Սիոնի՛ դուստր, որովհետև ահա, Ես պիտի գամ և բնակվեմ քո մեջ, - ասում է Տերը»։ «Եվ այն օրը բազմաթիվ ազգեր պիտի դիմեն Տիրոջը և պիտի լինեն Իմ ժողովուրդը, և Ես պիտի բնակվեմ քո մեջ, և դու պիտի իմանաս, որ Զորությունների Տերն է Ինձ ուղարկել քեզ մոտ»։ (Սինոդական թարգ․)
Սակայն Տեր Աստծու գթասրտությունը Երուսաղեմի և Նրա ժողովրդի հանդեպ, որը պիտի արտահայտվի ամբողջ Իսրայելի միավորմամբ և Սիոն լեռան վրա Տիրոջ բնակությամբ, պիտի երևա նաև այն պարագայում, որ բազմաթիվ հեթանոս ազգեր դառնալու են դեպի Տերը և միավորվելու են Նրա ժողովրդին:
--------------------------------
[8](Էջմիածին թարգ․) Այսպէս է ասում Ամենակալ Տէրը: Փառքի յետեւից նա ուղարկեց ինձ այն ազգերի մէջ, որոնք կողոպտեցին ձեզ, քանի որ, ով որ մօտենում է ձեզ, նման է նրան, ով հարուածում է իր աչքի բիբին:
(Արարատ թարգ․) Որովհետև Զորքերի Տերն այսպես է ասում. «Փառքի հետևից է ինձ ուղարկել ձեզ կողոպտող ազգերին, որովհետև ձեզ դիպչողը նրա աչքերի բիբին է դիպչում։
(Գրաբար) Զի այսպէս ասէ Տէր ամենակալ. Զփառաց զկնի արձակեաց զիս յազգսն՝ որ կողոպտեցին զձեզ, զի որ մերձենայ ի ձեզ, որպէս որ ընդհարկանիցի ընդ բիբ ական իւրոյ։
Հաղորդում կայքում սխալի վերաբերյալ
Տվյալ հատվածում առկա է սխալ: