Ա․ Լոպուխին
Բոլոր տեսակի վիճաբանությունների դեպքում թե՛ եզան, թե՛ էշի, թե՛ ոչխարի, թե՛ հանդերձի համար, ամեն տեսակի կորած իրերի համար եթե մեկն ասի, թե դա իրենն է, երկուսի գործն էլ պետք է հասցնել դատավորներին՝ ում որ կմեղադրեն դատավորները, սա կրկնակի կվճարի իր մերձավորին: (Սինոդական թարգ․)[9]
Վերոնշյալ մասնավոր դեպքը առիթ է տալիս հաստատելու ընդունված կանոնը «ցանկացած սխալ արարքի» վերաբերող վիճաբանությունները լուծելու համար: Խոսքն այն այնպիսի արարքների մասին է, որոնց գործադրման մեջ ենթադրվում է հետաքրքրված անձանց կողմից սխալ և ճշմարտությանը հակասող գործելակերպ: Հարցը, թե ում է պատկանում վիճաբանության առարկան կամ կենդանին, լուծվում է դատավորների կողմից, և եթե ճշմարտությունը սեփականատիրոջ կողմն է, ապա գողացվածը յուրացնողը վճարում է կրկնակի: Իսկ եթե սեփականատերը զրպարտել է մերձավորին, ապա նա պատժի է ենթարկվում սուտ վկայություն տալու համար (Բ Օր. 19:19):
--------------------------------
[9](Էջմիածին թարգ․) Արջառի ու էշի, ոչխարի ու հագուստի եւ ամէն տեսակ բաների կորուստներին վերաբերող եւ վէճ յարուցող խնդիրների իսկութիւնը պարզելու նպատակով երկու կողմերը թող կանգնեն Աստծու դատաստանի առաջ: Նրանցից ում որ Աստուած մեղաւոր ճանաչի, նա կրկնակին թող հատուցի միւսին:
(Արարատ թարգ․) Բոլոր տեսակի վիճաբանությունների դեպքում թե՛ եզան, թե՛ էշի, թե՛ ոչխարի, թե՛ հանդերձի համար, ամեն տեսակի կորած իրերի համար եթե մեկն ասի, թե դա իրենն է, երկուսի դատը պետք է անեն դատավորները: Եվ եթե դատավորները գտնեն մեղավորին, թող նա կրկնակի հատուցի իր հարևանին:
(Գրաբար) ըստ ամենայն վնասակար բանի, յարջառոյ` եւ յիշոյ` եւ յոչխարէ, եւ ի հանդերձէ, եւ յամենայն կորստենէ որում վնասակար առնիցեն: Որ զինչ իցէ` առաջի Աստուծոյ եկեսցէ դատաստան երկոցուն. եւ որ ոք ի նոցանէ ըմբռնեսցի ի ձեռն Աստուծոյ, կրկին տուժեսցի ընկերի իւրում:
Հաղորդում կայքում սխալի վերաբերյալ
Տվյալ հատվածում առկա է սխալ: