Բացատրական աստվածաշունչ, Ա. Պ. Լոպուխինի (†1904)
«Եվ Տերը նախ պիտի փրկի Հուդայի վրանները, որպեսզի Դավթի տան փառքը և Երուսաղեմի բնակիչների փառքը չբարձրանա Հուդայից վեր»։ (Սինոդական թարգ․) [7]
Հեթանոսների դեմ հաղթանակը հրաշալի է լինելու, ու Հուդայի վրանները պիտի փրկվեն ավելի վաղ, քան ամրացված մայրաքաղաքը. «Եվ այլևս ո՛չ թագավորական տունը, ո՛չ Հուդայի ցեղի տոհմիկներն ու ազնվականները, ո՛չ էլ Երուսաղեմի բնակիչները Հուդայի ցեղի մարդկանց աչքում չեն պարծենա այն բանով, որ այն եղել է իրենց իշխանության ներքո և ենթարկվել է իրենց որոշումներին, այլ պիտի գիտակցեն, որ թե՛ իրենց և թե՛ Հուդայի ցեղի հանդեպ հաղթանակը պատկանում է Տիրոջը» (երանելի Հերոնիմոս, վերը հիշատակված ստեղծագործություն, էջ 150)։
--------------------------------
[7](Էջմիածին թարգ․) Տէրը պիտի փրկի Յուդայի երկրի տոհմերը, ինչպէս առաջ, որպէսզի Դաւթի տան պարծանքը եւ Երուսաղէմի բնակիչների հպարտութիւնը բարձր չլինի Յուդայի երկրի համեմատ:
(Արարատ թարգ․) Եվ Տերը նախ Հուդայի վրանները պիտի փրկի, որպեսզի Հուդայի դեմ չգոռոզանան Դավթի տան պարծանքը և Երուսաղեմի բնակչի պարծանքը։
(Գրաբար) եւ ապրեցուսցէ Տէր զյարկսն Յուդայ՝ որ ի սկզբանէն, զի մի մեծաբանեսցեն պարծանք տանն Դաւթի, եւ հպարտութիւն բնակչաց Երուսաղէմի ի վերայ տանն Յուդայ։
Հաղորդում կայքում սխալի վերաբերյալ
Տվյալ հատվածում առկա է սխալ: