Բացատրական աստվածաշունչ, Ա. Պ. Լոպուխինի (†1904)
«Եվ պիտի լինի այն օրը, - ասում է Զորությունների Տերը, - Ես պիտի ջնջեմ կուռքերի անուններն այս երկրից, և դրանք այլևս չեն հիշատակվի. նաև սուտ մարգարեներին ու պիղծ ոգուն պիտի վերացնեմ երկրից»։ (Սինոդական թարգ․) [2]
Մեղքն ու պղծությունը հրեաների մեջ պահպանվում էին հիմնականում կռապաշտությանը կապվածությամբ և պիղծ ոգուց ներշնչվող սուտ մարգարեների գործունեությամբ (Գ Թագ. 22:19−23): Այսուհետ անգամ կուռքերի անունները պիտի մոռացվեն, այսինքն` կռապաշտությունն իսպառ պիտի վերանա. սուտ մարգարեներն այլևս չեն հայտնվի ընտրյալ ժողովրդի մեջ, իսկ պիղծ ոգու գործունեությունը պիտի կաթվածահար լինի (տե՛ս սուրբ Կյուրեղ Ալեքսանդրացի, վերը հիշատակված ստեղծագործություն, էջ 194): Զաքարիայի՝ որպես «մարգարեների կնիք» հանդիսացող Մաղաքիայի նախորդի մոտ, Զաք. 13:2 և հաջորդ համարներում կարելի է ակնարկ տեսնել Իսրայելում մարգարեության դադարեցման մոտալուտ լինելու մասին: Այստեղ, ակնհայտորեն, խոսքը սուտ մարգարեների մասին է. սակայն արդեն իսկ առանց որևէ կոնկրետացման «nethi'im» բառի կիրառությունը որոշ մեկնիչների կարծիքով վկայում է այն մասին, որ Զաքարիան նկատի ունի այն ժամանակը, երբ միայն սուտ մարգարեներ են լինելու (Keil. Op. cit. S. 642-643; ZATW. 1881, S. 90–91; Smith. P. 484; Marti. Op. cit. S. 449; И. Kорсунский. Иудейское толкование Ветхого Завета. М., 1882. С. 88–89)։
--------------------------------
[2](Էջմիածին թարգ․) Այն օրը Տէրը պիտի վերացնի կուռքերի անունները երկրից, նրանք այլեւս չպիտի յիշուեն. պիտի վերացնի երկրից սուտ մարգարէներին եւ պիղծ ոգիներին,
(Արարատ թարգ․) «Այդ օրը,- ասում է Զորքերի Տերը,- կուռքերի անունները պիտի ջնջեմ երկրից, և այլևս չպիտի հիշվեն։ Եվ մարգարեներին էլ և անմաքուր հոգին պիտի վերացնեմ երկրից։
(Գրաբար) Եւ եղիցի յաւուր յայնմիկ բարձցէ Տէր զանուանս կռոց յերկրէ, եւ ոչ եւս եղիցի յիշատակ նոցա, եւ զսուտ մարգարէսն՝ եւ զայսս պիղծս բարձից յերկրէ։
Հաղորդում կայքում սխալի վերաբերյալ
Տվյալ հատվածում առկա է սխալ: