Հովհաննես Ծործորեցի
Իմ լուծը ձեր վրայ վերցրէ՛ք եւ սովորեցէ՛ք ինձնից, որ հեզ եմ եւ սրտով խոնարհ. եւ ձեզ համար հանգիստ պիտի գտնէք,
Իմ լուծը ձեզ վրա՛ առեք և սովորե՛ք Ինձնից, որ սրտով հեզ եմ ու խոնարհ:
Հանգստանալու կերպն է ցույց տալիս՝ «Իմ լուծը ձեզ վրա՛ առեք», և «լուծ» է կոչում հեզությունն ու խոնարհությունը, որոնք, ասում է, սովորեք Ինձնի՛ց: Որովհետև ինչպես եզն է հեզությամբ ու խոնարհությամբ լուծ կրելով ու չարչարվելով ամռանը՝ հանգստանում ձմռանը, այդպես էլ դուք, հեզ ու հանդարտ խոհեմությամբ և սրտի խոնարհությամբ կրելով Իմ օրենքի լուծը, կթեթևանաք մեղքերից, որով ձմեռային գալիք Օրը, որը ոչ թե գործի ժամանակ է, այլ հատուցման, կարժանանաք հանգստյան: Եվ իբրև սրա օրինակ ընդունեք Ինձ, որովհետև հենց դա է ուսուցչի գործը՝ իր անձով ցույց տալ ուսուցանածը, որպեսզի այն դյուրընկալ լինի: Նաև, որպեսզի չկարծես, թե կթուլանաս, երբ հեզ ու խոնարհ լինես՝ մեղքերին չհետևելով և չարչարողներից վրեժ չառնելով, Ի՛նձ նայիր և Իմ ուսմունքի՛ց սովորիր, թե որքան բարի են հեզությունն ու խոնարհությունը, որովհետև «ով խոնարհեցնում է իրեն, կբարձրանա» (Մատթ. 23։12), և՝ «Երանի՜ հեզերին, որովհետև նրանք կժառանգեն երկիրը» (Մատթ. 5։5) վերին, որովհետև Դավիթը դրանով պանծաց 624, Աստծո ծառա Մովսեսը [հեզ] վկայվեց 625: Ինչպես ովքեր իջնում են երկրի հատակը, ոսկի են դուրս բերում, այդպես էլ ովքեր խոնարհությամբ են զգեստավորվում, ոսկեղենիկ առաքինությունն են իրենց վրա ցույց տալիս՝ Տիրոջ պատմուճանը:
Իսկ «սրտո՛վ» [խոնարհ] է ասում, որովհետև շատերն են արտաքուստ խոնարհ ձևանում և մտքով հպարտանում: Այսպիսիներին [Աստված] մերժում է, իսկ «հոգով խոնարհ ներին փրկում» (Սաղմ. 33։20), և «խոնարհ հոգին Աստված չի արհամարհում» (Սաղմ. 50։19):
Եվ հանգիստ կգտնեք ձեր անձերին:
Երկու շնորհ է խոստանում: Մեկը՝ որ ոչ թե մի ուրիշի, այլ ամենից առաջ քե՛զ համար ես հանգիստ գտնում, և երկրորդ՝ նախքան հանդերձյալ [կյանքն] արդեն իսկ այստեղ ես պարծանքի պսակ կազմում [քեզ համար]՝ ո՛չ ըստ քո վաստակի չափի, այլ բյուրապատիկ, անսպասելի փառքով, ինչպես գյուտի ժամանակ:
Մաղաքիա արք. Օրմանյան
Իմ լուծը ձեր վրայ վերցրէ՛ք եւ սովորեցէ՛ք ինձնից, որ հեզ եմ եւ սրտով խոնարհ. եւ ձեզ համար հանգիստ պիտի գտնէք,
Տե՛ս Մեկնություն Ավետարան ըստ Մատթեոսի գլուխ 11:25
Հաղորդում կայքում սխալի վերաբերյալ
Տվյալ հատվածում առկա է սխալ: