Հովհաննես Ծործորեցի
Նինուէի մարդիկ դատաստանի ժամանակ այս ազգի դէմ պիտի դուրս գան եւ պիտի դատապարտեն նրան, քանի որ նրանք Յովնանի քարոզութեամբ ապաշխարեցին. եւ ահաւասիկ այստեղ Յովնանից մեծը կայ:
Նինվեացիները Դատաստանի օրն այս ցեղի հետ կկանգնեն և կդատապարտեն նրան, որովհետև զղջացին Հովնանի քարոզությամբ. իսկ այստեղ ահա Հովնանից էլ մեծը կա:
Իր հարության հետ նաև համընդհանուր հարությունն է ավետարանում և [ցույց տալիս], որ նինվեացիները հրեա ազգին դատաստանի արժանի մեղադրանք են ներկայացնելու, որովհետև [Նինվե] քաղաքի բոլոր [բնակիչները]՝ թագավոր 695 ու իշխան, ծեր ու երիտասարդ, տղամարդ ու կին, երեխա, մանուկ ու անխոս կենդանի, քուրձ հագան, պահք հայ-տարարեցին և այս կյանքում սիրելի ամեն հաճույք արհամարհեցին, ինչով և փրկվեցին, իսկ [հրեաները]՝ ոչ: Մանավանդ որ այնտեղ ծառան էր, իսկ այստեղ՝ Տերը՝ «Հովնանից էլ մեծը», ինչպես ասում է [Հիսուսը]: Որովհետև Հովնանի գալստյան մասին ոչ ոք կանխապես չքարոզեց, իսկ Սրանը՝ բազմաթիվ մարգարեներ. նա կորուստ քարոզեց, իսկ Սա փրկություն ավետարանեց. նա հրաշք չգործեց, իսկ Սա բազմաթիվ հրաշքներ [գործեց]. նա կետի միջից ելավ, իսկ Սա՝ գերեզմանից: Սակայն [հրեաները] չհավատացին, ինչպես հեթանոսները. հետևաբար, արդարացիորեն են դատվելու:
Ստեփանոս Սյունեցի
Նինուէի մարդիկ դատաստանի ժամանակ այս ազգի դէմ պիտի դուրս գան եւ պիտի դատապարտեն նրան, քանի որ նրանք Յովնանի քարոզութեամբ ապաշխարեցին. եւ ահաւասիկ այստեղ Յովնանից մեծը կայ:
Նինվեի մարդիկ դատաստանի ժամանակ այս ազգի դեմ պիտի դուրս գան և պիտի դատապարտեն նրան» և այլ:
Աստվածաշունչը բազում օրինակներով ցույց է տալիս մեռյալների հարությունը, առավել ևս տերունական ձայնով: Եվ նրանք իրոք կդատապարտվեն, որովհետև [նինվեացիք] լսելով Աստծու ծառայի՝ Հովնանի ձայնը, ապաշխարեցին, Իսկ այս ազգը լսելով Աստծու Որդու ձայնը, չապաշխարեց: Նույնը պետք է իմանալ նաև հարավի թագուհու գալու և Սողոմոնի իմաստությունը լսելու վերաբերյալ:
Մաղաքիա արք. Օրմանյան
Նինուէի մարդիկ դատաստանի ժամանակ այս ազգի դէմ պիտի դուրս գան եւ պիտի դատապարտեն նրան, քանի որ նրանք Յովնանի քարոզութեամբ ապաշխարեցին. եւ ահաւասիկ այստեղ Յովնանից մեծը կայ:
Տե՛ս Մեկնություն Ավետարան ըստ Մատթեոսի գլուխ 12:38
Հաղորդում կայքում սխալի վերաբերյալ
Տվյալ հատվածում առկա է սխալ: