Ա. Լոպուխին
«Դու կատարյալ էիր քո ճանապարհներում քո ստեղծման օրից, մինչև որ քեզանում անօրենություն գտնվեց»։ [15] (Սինոդական թարգ․)
«Կատարյալ» - սլավոներենում ավելի ստույգ՝ «անմեղ»։ Թե՛ Տյուրոսի թագավորին, և թե՛ նրա կողմից մարմնավորված հեթանոսական Տյուրոսին չէ, որ այսպիսի գովասանքները լիովին վերագրելի են։ Քերովբեի կամ առաջնաստեղծ մարդու կերպարն այստեղ, ինչպես և նախորդ համարում էր, համեմատվող առարկան քողարկում է մարգարեի հայացքի առջևից։ Այստեղից էլ առաջացել է «քո ստեղծման օրից» արտահայտությունը, որը Տյուրոսի թագավորի առնչությամբ կարող է նշանակել միայն նրա գահ բարձրանալու օրը։
«Անօրենություն» - որի մասին խոսվում է 18-րդ համարում։ Գլխավորաբար այդ անօրենությունը հպարտությունն էր, Աստծուն հավասարվելու ցանկությունը։
--------------------------------
[15](Էջմիածին թարգ․) Անարատ ես եղել քո օրերում, ստեղծուելուցդ ի վեր, մինչեւ որ անիրաւութիւններ են երեւան եկել քո մէջ:
(Արարատ թարգ․) Դու քո ստեղծման օրից կատարյալ էիր քո ճանապարհներում, մինչև որ քեզանում անիրավություն գտնվեց։
(Գրաբար) Եղեր անարա՛տ յաւուրսն քո, յօրէ յորմէ հաստատեցար դու, մինչև գտան անիրաւութիւնք ‘ի քեզ։
Հաղորդում կայքում սխալի վերաբերյալ
Տվյալ հատվածում առկա է սխալ: