1․ Եւ պատմեաց Առնաթեւ Մուրթքէի զամենայն զբանսն Եսթերայ:
2․ ասա դու նմա, թէ Եսթե՞ր` մի ասեր դու յանձն քո, եթէ ես միայն ապրիցիմ ի թագաւորութեանս յամենայն հրէից:
3․ եւ ոչ լուիցես ի ժամանակիս յայսմիկ. այլուստ լինի աւգնականութիւն եւ փրկութիւն հրէից, այլ դու եւ տուն հաւր քոյ կորնչիք. եւ ո իսկ գիտէ եթէ ի ժամանակի յայսմիկ թագաւորեցեր:
4․ Եւ առաքեաց միւսանգամ Եսթեր առ Մուրթքէ` եւ ասէ.
5․ Գնա դու ժողովեա զհրէայսն որ են ի Սիսիս քաղաքի, եւ պահեցէք ինձ պահս, եւ մի կերիջիք եւ մի ըմպիջիք զաւուրս երիս, մի զտիւ եւ մի զգիշեր, եւ ես եւ նաժիշտք իմ զգուշանամք պահել: Եւ ապա մտից ես առ արքայ, քանզի առնել զայս` արտաքոյ է աւրինաց թագաւորին. արարից զայդ, եւ եթէ իցէ ինձ մեռանել, եւ ոչ յապաղեցից:
6․ Եւ գնաց Մուրթքէ` եւ արար որպէս պատուիրեաց նմա Եսթեր:
Հաղորդում կայքում սխալի վերաբերյալ
Տվյալ հատվածում առկա է սխալ: