1. Դատաւոր իմաստուն խրատ ժողովրդեան,
2. ըստ հրամանի նորա եւ հարկահանքն:
3. Թագաւոր անխրատ` կորուսանէ զզաւրս. քաղաք շինեսցի յիմաստութենէ իշխանաց:
4. Իշխանութիւն երկրի ի ձեռս Աստուծոյ, եւ զպիտանին յարուսցէ ի ժամանակի:
5. Ի ձեռս Տեառն է առնն ուղղութիւն, եւ ի վերայ երեսաց գրով դիցէ զփառս իւր:
6. Ոխս ընկերի վասն ամենայն յանցանաց մի ունիցիս: Որդեակ ի ստութենէ եւ ի մեղաց հեռասցիս:
7. Ամբարտաւանութիւն ատելի է Աստուծոյ եւ մարդկան:
8. Թագաւորութիւն ազգէ յազգ փոխի, եւ վասն անիրաւութեան եւ հպարտութեան կորնչին:
9.
10.
11. Թագաւոր այսաւր է` եւ վաղիւ մեռանի:
12.
13.
14. Ամբարտաւանութեան սկիզբն` հեռանալ ի Տեառնէ. զի յարարչէն խոտորեցաւ սիրտ նորա:
15.
16.
17. Զաթոռս ամբարտաւանից կործանեսցէ Տէր:
18. Զարմատս հեթանոսաց խլեաց Տէր, եւ փոխանակ նոցա տնկեաց զհանդարտս, եւ զբարեպաշտս:
19.
20.
21.
22. Ամբարտաւանութիւն ոչ ընդ մարդկան ստեղծաւ. վասն այնորիկ զաւրացոյց Տէր զբարկութիւն եւ կործանեաց զնա:
23. Ո՞ր է պատուական զաւակ մարդկան, երկիւղածաց Տեառն զաւակ պատուական: զաւակ անարգ է որ անցանէ զպատուիրանաւ ծնողաց:
24. Ի մէջ եղբարց երէցն է պատուական, իսկ որ ի Տեառնէ երկնչի` պատուական է քան զնա:
25. Փառաւորին մեծին եւ աղքատին պարծանք` երկիւղ Տեառն:
26. Զայր աղքատ եւ իմաստուն անարգել չէ պարտ:
27. Հզաւրն եւ իշխանն պատուեսցի:
28.
29.
30.
31. Ո՞րդեակ` անձին քում հեզութեամբ շուք դիր.
32. զի որ անձամբ յանձն մեղանչէ` ո՞վ արդարացուսցէ զնա: Որ զկեանս իւր անարգէ` ո՞վ մեծարէ զնա:
33. Մեծն ի մեծութեան փառաւորի, եւ աղքատն ի հանճար իւր:
34.
Հաղորդում կայքում սխալի վերաբերյալ
Տվյալ հատվածում առկա է սխալ: