Գլուխ 26

   
1. Կնոջ իմաստնոյ երանեալ է այր իւր, եւ թիւ աւուրց իւրոց կրկին։

3. Կին իմաստուն բաժին բարեաց, եւ մասն երկիւղածաց։

5. Յերից յայսցանէ զանգիտեաց սիրտ իմ.

6. Բարկութիւն քաղաքի ի ժողովոց բազմաց.

7. քսութիւն տարապարտուց՝ քան զմահ չար.

9. տանջանք լեզուի ամենայնի բաւական։

11. Կին գինեսէր բարկութիւն մեծ, եւ զանարգանս իւր ծածկել ոչ կարէ։

12. Պոռնկութիւն կնոջ յաչս եւ յաւնս իւր ծանիցի։

13. Ի վերայ անամաւթի դստեր հաստատեա զգուշութիւն։

15. Զի իբրեւ ծարաւի ոք բանայ զբերան՝ եւ յամենայն ջրոց ըմպել խնդրէ։ այսպէս է կին պոռնիկ. ամենայն մարդոյ բանայ զսէր իւր։

17. Պարգեւք ի Տեառնէ կին ցածուն,

18. եւ չիք գինք նմա։ Կին՝ բարկացաւղ եւ լեզուանի իբրեւ փող յորդորիչ պատերազմի համարեալ է։

25. Ի վերայ երկուցս այսոցիկ տրտմեցաւ սիրտ իմ, եւ ի վերայ երրորդիս՝ ցասումն եկին ինձ։

26. Զայր քաջ՝ զի տկարասցի վասն աղքատութեան։ Եւ արք իմաստունք՝ եթէ անարգեսցին յանմտաց։

27. Եւ այր արդար որ դառնայցէ ի մեղս յետ բազում վաստակոց։ 28 Զի ոչ ապրեցուցանէ զանձն իւր ի մեղաց վաճառականն։