Գլուխ 34

   
5. Դիւթութիւնք եւ հմայք եւ երազք

6. զմիտս անմտաց զարթուցանեն։

7. Զի բազումք խաբեցան յերազոց, եւ անկան ի յուսոյ Տեառն։

8. Աւրէնք առանց ստութեան կատարեսցի, եւ իմաստութիւն  հաւատարմաց կատարեալ լիցի։

9. Այր հանճարեղ ծանեաւ բազում բանս, եւ իմաստութիւն առակեցաւ ի նմանէ։

   

Յաղագս անաւգուտ պատարագաց։

   

21. Ողջակէզ յապիրատութենէ՝ պատարագ արհամարհեալ,

23. զի ոչ ընդունի բարձրեալն զպատարագս ամբարշտաց։ եւ ոչ ի բազմութիւն ողջակիզաց նոցա քաւէ զմեղս նոցա։

24. Որ մատուցանէ ողջակէզս յընչից աղքատաց, այնպէս է՝ որպէս զենու ոք զորդի յանդիման հաւր։

25. Հաց կարաւտութեան կեանք աղքատաց, եւ որ զրկեն զնոսա՝ արիւն նոցա ի գլուխս նոցա։

26. Սպանող է ընկերի իւրում որ հատանէ զկին նորա.

27. ընդ արիւնահանս համարեսցի՝ որ հատանէ զվարձկանի վարձ։

28. Զի՞նչ աւգուտ գործեն, բայց աշխատութիւնն.

29. զի մին աւրհնէ՝ եւ միւսն անիծանէ, ո՞յր ձայնի լուիցէ Աստուած.

31. այսպէս է մարդ՝ որ պահէ վասն մեղաց, եւ դարձեալ դառնայ անդրէն ի նոյն։