1. Եւ որդիք Յուդայ` Փարէս, Եզրովմ, Քարմի, Ովբ, Սոբաղ
2. եւ Րէաղ որդի Սոբաղայ եւ Սոբաղ ծնաւ զՅաւովթ եւ Յաւովթ ծնաւ զԱքիմաան եւ զՂաղայ: Այս գունդք Սաղաթիէլի:
3. Եւ այս հարք է տան Եզրեաս, Ամարադա, Ամաայ, Յետբակ. եւ անուն քեռ նոցա Ասեղափովնի:
4. Եւ Փանուէլ հայր Կեդովրայ եւ Եզեր հայր Ուշայ: Սոքա որդիք Ովրայ անդրանկանն Եփրաթա հաւրն Բեթղաեմայ:
5. Եւ Ասովորայ հաւրն Թեկուայ էին կանայք երկու` Եղդայ եւ Նոերամ այս որդիք են Իսրայէղի որ յազգէն Յուդայ:
6. Եւ ծնաւ նմա Նոեամ զՈզայն, եւ զՈփերն, եւ զԹեմանին, եւ զԱսթովրի. ամենեքեան սոքա որդիք Նովերայ:
7. Եւ որդիք Եղիասարեթայ եւ Եթնանայ.
8. Եւ Կովս ծնաւ զԱնովբն եւ զՍաբեա: Այս տոհմք Նոերայ Էրայէլայ եղբաւրն Ռաքեբայ:
9. Եւ եղեւ Աբիէս փառաւորագաոյն քան զեղբարս իւր եւ կոչեաց զանուն նորա մայր իւր Յաբէլ, իբրեւ ասիցէ, թէ ծնա ես ի հրաշածինս:
10. Եւ կարդաց Յաբել առ Աստուած Իսրայէղի եւ ասէ. Եթէ աւրհնելով աւրհնեսցես զիս եւ բազմացուցանելով բազմացուսցես զսահմանս իմ, եւ ձեռն քո լիցի ընդ իս, եւ արասցես դու գիտութիւն, զի մի նկուն երեւեցայցես: Եւ ած եւ կատարեաց Աստուած ի նա զամենայն ինչ, որպէս եւ խնդրեաց նա:
11. Եւ Քաղեբ եղբայրն Մովայ ծնաւ զՄայիրն, սա է հայրն Եսեթաովնայ:
12. Եւ Եսեթաւովն ծնաւ զԲեթրափան, եւ զՓասեէն, եւ զԹեէնանն զհայրն Իրնաասայ, եղբաւրն Աթոնե Կենեզացւոց, այս արք Դեքար:
13. Եւ որդիք Կէնեզ. Գոթոնիէլ եւ Շարեհ եւ որդիք Գոթոնիէլի Աթեթ Մաւովնաթի:
14. Եւ Մաւովնաթի ծնաւ զԵփրաթ եւ Շարեհ ծնաւ զՈվբաբ հայրափարաց, զի իբրեւ ի տեսլեան էին:
15. Եւ որդիքն Քաղեբայ, որդւոյ Յեփոնեայ, Եղայ եւ Նոովմ եւ որդիք Եղեա Կենեզ:
16. Եւ որդիք նորա Աղեղեէլ, եւ որդի Աղքեղեա Զիփի եւ Զրիփա, Եթրիայ եւ Ասերէ եւ Յովակիմ:
17. Եւ որդիք Յեզրայայ, Եթեր, Ուբարաթ, եւ Եփեր եւ Յաղովն, եւ Յեթեր ծնաւ զՄեով, եւ զԱմին, եւ զՆառնէ, զայրն Եսեմովնայ, եւ ծնաւ նա զՄարովն, եւ Սամին, եւ զՅասափն, եւ զհայրն Յեզթամայ եւ կին նորա Էովդիայ:
18. Եւ ծնաւ նմա զՅարեթն, զհայր Գեդովրայ, եւ զԱբեր հայրն Սոքով, եւ զՅափիէլն զհայրն զԱնով եւ սոքա որդիք Փաթուէայ դստեր փարաւոնի, զոր առն Մարով:
19. Եւ որդիք կնոջն Ովդէ, եղբաւրն Նաեէ, հաւրն Յաղէ, Ովգարմի եւ Եսթամի եւ Ովմաքաթի:
20. Եւ որդիքն Սամէի Ամնոն եւ Հռենայ որդի Անանու որդիք թողէի, որդիք Յեզթի, Զաովթ որդիք Զաւովթայ:
21. Որդիք Սեղովնայ որդւոյ Յովդայէլի հայր Ղաեքայ, եւ Ղաամեդայ, եւ հայր մարեսայ: Եւ գունդք գունդք տանն Յովբեդաբում, տանն Ասերայ, եւ Յովակիմ
22. եւ արք Հուզեբայ եւ Յովաս եւ Սարափ, որ իշխան ժողովրդեանն Մովաբու, եւ դարձուցին յիւրեանս զԶեեմ, բայց բանք հինեն, եւ Դաբիր, եւ Նաթովկիմ:
23. Այս այն բրուտք են որ բնակեալ են ի Նետայիմ, եւ Գադերայ ընդ արքային ի գործ նորա զաւրացան եւ ի նմին բնակեցան:
24. Որդիք Շմաւովնի Նամուեղ եւ յԱրիմ, եւ Զարայ Շահուղ.
25. Շաղեմ որդի նորա, եւ Ասեման որդի նորա եւ Բասեման որդի նորա, Մաշմա որդի նորա եւ որքիք Մաշմէի.
26. Ամուէլ որդի նորա Զաքուր որդի նորա Շեմէի որդի նորա:
27. Եւ Շեմեա որդիք մետասան, եւ դստերք վեց: Եւ եղբարց նորա չէին որդիք բազում, եւ գունդք նոցա, ոչինչ առաւելեալ քան զորդիսն Յուդայ:
28. Եւ բնակեցան ի Բերսաբէէ ի Մովշադա, եւ ի Սամա, եւ ի Սարսաովթ,
29. եւ ի Բաղաադ, եւ Յասովն, եւ ի Թմոյլաթ,
30. եւ ի Բաթուէր, եւ յԱռամայ եւ ի Սեկաղայ,
31. եւ ի Բեթմարքափ, եւ ի Մարյաբովթ, եւ Յասովրեմ, Սասիթ եւ յԱսովրեսնասի, ի Բեթբարիմ, եւ ի Սայարիմ այս քաղաք նոցա մինչչեւ յարքայ Դաւիթ:
32. Եւ անդաստանք նոցա, Ետամ եւ ի Հռեմովն, եւ ի Թէկէմ, եւ յԵսա.
33. Այս քաղաք հինգ ամենայն անդաստանաւք հանդերձ, շուրջ զքաղաքաւքս զայսոքիւք, մինչչեւ ի Բաղաադ, այս բնակութիւն նոցա, եւ համար ազգատոհմի նոցա նոցին:
34. Եւ անդրէն ի դարձ թագաւոր էր Յովսիա որդի Ամասեա:
35. Եւ Յովէլ եւ Հռէու, որդւոյ Յովսաբայ, որդւոյ Շահրէի, որդւոյ Ասաելի
36. եւ Եղիոնեա, եւ Եկեբեա, եւ Յեսթէ, եւ Յեսուէ եւ Ասէ. Եւ Աղանէ, եւ Աղաեղեայ, եւ Բանի
37. եւ Զիփայ որդի Սովփէ, որդի Սեղովնայ, որդի Յեդեա, որդի Սամարէ, որդի Սադէէ:
38. Սոքա եկին հասին յանուն իշխանաց գնդաւք իւրեանց հանդերձ եւ ազգաւք տոհմաց հարց իւրեանց եւ բազմացան ի բազմութիւն յոյժ, եւ տարածեցան սփռեցան:
39. Եւ գնացին գաշի գերարայ մինչչեւ ի ձորն արեւելից խնդրել արաւտս հաւտից իւրեանց:
40. Եկին գտին արաւտս ընդ արզակս եւ պարարտս եւ երկիրն ընդարգակ էր առաջի նոցա, եւ կայր խաղաղացել լռութեամբ ի պարարտութեան, զի յորդւոցն Քամայ որ բնակեալն էին անդ յառաջ յանուն նոցա:
41. Եկին այսք որ գրեցանս աստ: Եւ յաւուրս Եզեկիայ արքայի Հրէաստանի, եւ անդ ուղղեցին զբանակս իւրեանց, եւ զԿենացիսն որ գտան ի նմա նզովիւք մերժեսցին զնոքա անդի մինչչեւ յաւր յայս, նաեւ աղբերս եւս գտին անդ, եւ ի նմին բնակեցան փոխանակ նոցա զի արաւտք քաջ էին անդ հաւտից նոցա:
42. Եւ ի նոցունց իսկ յորդւոցն Շմաւոնի եկին գնացին ի լեառն ի Սէիր, արք իբրեւ հինգ հարիւր եւ Փաղտի, եւ Նաարիա, եւ Հռափղայ, եւ Ոզիա որդիքն Եշովա իշխանք նոցա:
43. Եւ հարին զմնացորդս Ամաղեկայ, որ ապրեալն էին, եւ ինքեանք անդէն բնակեցան մինչչեւ ցայսաւր ժամանակի:
Հաղորդում կայքում սխալի վերաբերյալ
Տվյալ հատվածում առկա է սխալ: