1. Եւ որդիքն Իսրայէղի ծննդագրեցան եւ կան ի մատեանս թագաւորութեանն Իսրայէղացւոյ եւ Յուդայ, եւ վերացան նոքա ի Բաբելովն վասն անաւրէնութեան իւրեանց, զոր անաւրինեցան,
2. եւ որ բնակեալն էին յառաջագոյն ի կալուածս իւրեանց, ի քաղաքս իւրեանց, եւ յԵրուսաղէմն եւ քահանայք եւ ղեւտացիք, եւ տաճարացիքն,
3. եւ Երուսաղէմ բնակեցին անդ: Եւ բնակեցին յորդւոց անդի Յուդայ, եւ յորդւոց անտի Բենիամինի, եւ յորդւոցն Եփրեմայ, եւ յորդւոցն Մանասէի:
4. Ութի որդի, Ամիովթ որդի, Աբրի որդի, որդւոյ Ամբիայ, որդւոյ Բենիամենի, յորդւոցն Փարեսա, որդւոց Յուդա:
5. Եւ ի Սելովնացւոյ անդի Ասրա անդրանիկ նորա, եւ որդիք նորա,
6. եւ յորդւոց անտի Զարայ, Յէէլ եւ եղբարք իւր Արիէլ, եւ եղբարք իւր վեց հարիւր եւ իննսուն,
7. եւ յորդւոցն անդի Բենիամենի Սաղովմ որդի Բոոսողամ որդի, որդւոյ Ուդիայ, որդիոյ Առնա
8. եւ Յեբեգնաայ: Որդի Յերովամ եւ Եղաւ, եւ այս որդիք Ոզիայ որդւոյ Մաքիրա, որդւոյ Մոսողոմայ, որդի Սափատա որդւոյ Հռագուէլի, որդւոյ Յեքոնեա,
9. եւ եղբարք նոցուն ըստ ծնունդս ազգաց իւրեանց իննը հարիւր հիսուն եւ վեց: Ամենեքին սոքա նահապետք ազգաց իւրաքանչիւր տոհմանցն իւրեանց:
10. Եւ ի քահանայից անտի Յովադայ, եւ Յովարիմ, եւ Յովաքիմ,
11. եւ Ազարիայ որդի Եղկիու, որդւոյ Մովսաղամայ, որդւոյ Սադովք, որդւոյ Սումերարիովթ, որդւոյ Ակիտովփ, որ առաջնորդ եւ իշխան էր տանն Աստուծոյ:
12. Եւ Ադեամ որդի Յերովամա, որդւոյ Փասէուր որդւոյ Մեղքեա, եւ Մաասի որդի Ադիէլ, որդւոյ Յեզրեա, որդւոյ Մովսղամ, որդւոյ Մասաղեմովթ, որդւոյ Եմեր,
13. եւ եղբարք նոցա առաջնորդք ազգատոհմի նոցա հազար եւ եւթհարիւր եւ վաթսուն հզաւրք զաւրութեամբ ի գործ ծառայութեան տաճարին Աստուծոյ:
14. Եւ ի ղեւտացւոց անտի Սամէաս որդի Ասուբ որդիոյ Ազրիկամ, որդիոյ Ասաբիայ, յորդւոց անտի Մերարի,
15. եւ Բակբակաքար, եւ Արես, եւ Կատեղ, Մատաթիայ, որդի Միքայ, որդւոյ Զեքրիայ, որդւոց Ասափ եւ
16. Ադիայ, որդի Սամեայ, որդւոյ Գաղաադ, որդւոյ Յասիփովն, եւ Բարաքիա որդի Ասայ որդւոյ Եղկանայ, որ բնակեալն էին յանդաստանս, ի Մետովփատեա
17. եւ դարապանքն Սաղում, եւ Ակուայ, եւ Դեղմովն, եւ Եման եւ եղբարք նոցա Սեղում եւ իշխան էր
18. մինչչեւ ի Ցուէլ եւ Եղամին ի դուռն արքունի ընդ արեւելս կոյս: Սոքա են դարապանք բանակացն որդւոցն Ղեւայ,
19. եւ Սեղովմ որդի Կորեա որդւոյ Աբիսաբ, որդւոյ Կորեա եւ եղբարք իւր, ըստ տանցն ազգատոհին իւրեանց, որ կորացիքն են ի վերայ գործոց ծառայութեան որ պահեն զդահղիճ մաշկին, եւ հարք իւրեանց ի բանակս Տեառն, որ պահեն զմուտ մաշկին,
20. եւ Փենահեզ որդի Եղիազարու իշխան էր ի վերայ նոցա առաջի Տեառն եւ յետ այսորիկ
21. որդի Մոոսողամի դարապանդ դրան վրան ժամուն,
22. ամենեքեան սոքա ընդիր ընդիր դարապանաց դրանցն, երկերոյր եւ երկոյտասան ինքեանք ի վերայ սրահիցն եւ այս ազգահամար նոցա եւ սոյն վիճակք նոցին: Այս այն են զոր թուեացն Դաւիթ եւ կայցոյց եւ հաստատեաց Սամուէլ մարգարէն ի հաւատս իւրեանց,
23. նոքա եւ որդիք իւրեանց ի վերայ դրանց տանն Տեառն: Եւ ի վերայ տան վրան ժամուն պահել զպահ ցերեկապահ
24. չորեցունց կողմանցն եւ էին դարապանք յարեւելից կուսէ եւ ի ծովէ եւ ի հարաւոյ եւ ի հիւսւսոյ:
25. Եւ եղբարքն նոցուն ի սրահս իւրեանց, գալ մտանել եւթնաւրեա ժամանակ տարոջէ ի տարի ընդ նոսա,
26. զի հաւատարիմ էին չորք իշխանք ղեւտացւոցն, որ էին ի վերայ ամենայն սպասուցն եւ գանձից տանն Աստուծոյ,
27. եւ անդէն բնակեալ կեցցեն, զի այն պահ յանձնէ նոցա, եւ ի վերա փակոցն ըստ առաւաւտու առաւաւտու բանալ զդուրսն տաճարին,
28. եւ ի նոցանէ ի վերայ գրոյ գանձին սպասու պաշտամանն զի թուով տանիցին ի ներքս, եւ թուով հանիցեն արտաքս: 29 Եւ ի նոցունց կայցեն ի վերայ սպասուն կարասոյ, եւ ամենայն նուիրեալ նուագացն եւ ի վերայ նաշհին եւ գինւոյն եւ ի ձիթոյն, կնդրկին եւ այլոց խնգոցն:
30. Եւ յորդւոց անտի քահանայիցն որ էին իւղեփեացս իւղոյն սրբութեան խնգաւքն
31. հանդերձ եւ Մատաթեայ որդւոցն ղեւտացւոցն այս որ անդրանիկս էր Շաղումա կորեցւոյ հաւատարիմ ի վերայ գործոյ ողջակիզացն տապակացն որ տապակեն զմեծին քահանային:
32. Եւ Բանեա Կաղթեցի յեղբարց անտի իւրոց ի վերայ հացին պատարագաց, որ շաբաթէ ի շաբաթն
33. դնէին պատրաստական ի վերա սեղանոյն. իշխանք ազգաց ղեւտացւոցն ընդ սրսկապանաւն շաբաթաւորին ցայգապահն եւ ցերեկապահն:
34. Եւ այս իշխանք ազգատոհմին ղեւտացւոցն ըստ կարգս իւրեանց, սոքա բնակեցան յԵրուսաղէմ
35. եւ ի Գաբաւովն բնակեաց հայր Գաբաւովնի Եղա, եւ անուն կնոջն նորա Մաղքայ,
36. եւ որդի նորա անդրանիկ Աբաովմ, եւ Սուրհ, եւ Կիս, եւ Բաէթ, եւ Նէր,
37. եւ Գեղդովր, եւ եղբարք նորա Այիուն, եւ Զեքրի, եւ Մակեղովթ,
38. որ ծնաւ Սամաայ եւ սոքա ի մէջ եղբարց իւրեանց բնակեալ էին յԵրուսաղէմ ընդ եղբարս իւրեանց:
39. Եւ Նէր ծնաւ զԿիս, եւ Կիս ծնաւ զՇաւուղ, եւ Սաւուղ ծնաւ զՅովնաթան եւ զՄեղքիսուէ, եւ զԱմինադաբն, եւ զՅիսբաաղն,
40. եւ որդի Յովնաթանա Մեմփիբաաղ, եւ Մեմփիբաաղ ծնաւ զՄիքա,
41. եւ որդիք Միքա Փիթովթ եւ Մեղքիէլ, եւ Թարաա,
42. եւ Ազազ, եւ Ազազ ծնաւ զՅուդայեէ, եւ Յուդայեէ ծնաւ զԱղեփ եւ զԱզմովթ եւ Զամբրի եւ Զամբրի ծնաւ զՄուշայ
43. եւ Մուշա ծնաւ զԲաանա, եւ Բարաքա որդի նորա, Եղիսա որդի նորա, Ասայէլ որդի նորա,
44. եւ Ասայէլի էին որդիք վեց, եւ այս անուանք նոցա Եզրիկամ անդրանիկ նորա, եւ Իսմայել, եւ Ազարիայ, եւ Աբդիա, եւ Արսարիայ, եւ Անաան այս որդիք Ասայէլի:
Հաղորդում կայքում սխալի վերաբերյալ
Տվյալ հատվածում առկա է սխալ: