1. Եւ որդիք Իսրայէղի իւրաքանչիւր թուոց նահապետք ազգատոհմին հազաւորք եւ հարիւրաւորք եւ համարակար դպիրք որ պաշտէին ի ժողովրդեան յամենայն համարս արքունի ըստ իւրաքանչիւր գործոյն համարոյ ելին եւ մտի ամսոյ ամսոյ յամենայն ամիսս տարոյն ընտրութիւն
2. առաջին համարոյ քսան եւ չորս հազարք, եւ ընտրութիւն համարոյ առաջնոյ ամսեանն Յեզբաաղ եւ Բազեէլն եւ ընտրութիւն ելից նորա քսան եւ չորք հազարք
3. յորդւոցն Փարեսայ, որ գլուխ էր ամենայն իշխխանացն զաւրաց, եւ ամսեանն առնոյ
4. եւ ընդրութեան ամսոյն երկրորդի Դուդայի Դաքոթի եւ Մադաղաւովդ առաջնորդք եւ ընտրութիւն նորա քսան եւ չորս հազարք
5. իշխան զաւրութեան երրորդի Բանեաս Յովադ քահանայ իշխան, եւ յընտրութեանն նորա քսան եւ չորս հազարք,
6. ինքն Բանեաս հզաւրագոյն էր քան զերեսունսն եւ ի վերայ երեսնիցն բաժին է ընտրութեան իւրոյ,
7. յամսեանն չորրորդի Ասայէլ եղբայր Յովաբայ եւ Զաբգիայ որդի նորա, եւ եղբարք իւր զկնի նորա, եւ ընտրութիւնն բաժնի նորա քսան եւ չորս հազարք,
8. հինգերրորդ ամսեանն հինգերորդի իշխան Սաաւովթ Յեզաբիայ եւ մասն բաժնի նորա քսանչորս հազարք:
9. Վեցերորդ յամսեանն վեցերորդի Եկես որդի Եկգեա Թեկուացւոյ եւ մասն բաժնի իւրոյ քսան չորս հազարք:
10. Եւթներորդ յամսեանն եւթներորդի Քեզ Փողովեանց յորդւոցն Եփրեմայ եւ մասն ի բաժնի իւրոյ քսանչորս հազարք:
11. Ութերորդ յամսեանն ութերորդի Ուսաքէկի Եսթայեանց Զարայեայ, եւ մասն ի բաժնի իւրում քսանչորս հազարք:
12. Իններրորդ յամսեանն իններորդի Աբիեզեր որ յԱնաթովթայն որ ի Բենիամին երկրի եւ մասն ի բաժնի իւրում քսան եւ չորս հազարք:
13. Տասներորդ յամսեանն տասներորդի Մաարին Ետոպաթեանց Զարայ եւ մասն բաժնի իւրոյ քսանչորս հազարք:
14. Տասներորդ յամսեանն մետասաներորդի Բանէասի Փարաթովնայ որդւոյն Եփրեմի եւ մասն բաժնի իւրոյ քսանչորս հազարք:
15. Երկոտասաներորդ յամսեանն երկոտասաներորդի Ողդիա Տոփատեանց Գոդոնիէլեանց եւ մասն բաժնի իւր քսանչորս հազարք:
16. Եւ ի վերայ ազգացն Իսրայէղի ազգի Հռուփէլ նահապետ Եղիազար որդի Զաքարեայ, Շմաւոնի Սափատիա Մաքատեանց
17. Ղեւայ Սաբիայ Կամուեանց Ահարովնի Սադովկ
18. Յուդայ Եղիաբ յեղբարցն Դաւթի Իսաքարայ Ամբրի Միքայէլեանց,
19. Զաբուղովն Իսամիա Աբդեանց, Նեփթաղեայ Յերիմութ Ոզիէլեանց,
20. Եփրեմա Ուսի Էրզեանց,
21. կէս ազգեան Մանասէի, Յովէլ որդի Փատեա կէս ազգին Մանասէի, որ յերկրին Գաղաադու Յագայ Զաքարեանց որդւոյն Բենիամենի Յասիէլ Արենեանց
22. Գանա Ոզիէի Յերովամեանց:
23. Այս իշխանք նահապետք ազգացն որդւոցն Իսրայէղի եւ ետ համար առնել Դաւիթ արքայ ի քսանամենից եւ ի խոնարհ: Զի ասաց Տէր, եթէ բազմացուցանելով բազմացուցիցես զզաւակ որդւոցն Իսրայէղի իբրեւ զաստեղս երկնից:
24. Եւ Յովաբ որդի Շարուհեա սկսաւ աշխարհհամար առնել ժողովրդեանն եւ ոչ կարաց կատարել: Սակայն եւ յայնմիկ եղեւ բարկութիւն ի վերայ Իսրայէղի եւ ոչ յարգեցաւ համարն այն ի դիւան դպրութեան համարոց աւուրց արքային Դաւթի
25. եւ որ ի վերայգ անձիցն թագաւորին էին Ազմովթորէ Եղեանց, եւ ի վերայ գանձուցն արտաքոյ որ ի գեաւղս եւ ի քաղաքս էին, եւ ի գաւառս եւ ի պահակս Յունաթան Ժիւեանց
26 .եւ որ ի վերայ արդեանց էին հողագործաց Եզրայիմ որ Քաղբէացն է,
27. եւ ի վերայ այգեստանեացն Սէմէի Արիմաթեանց եւ որ ի վերայ գանձից գիւղից գինոյն էին, Զաբդի Սափամեանց
28. եւ որ ի վերայ ձիթոյն եւ ի թըթոյն որ ի դաշտի անդ Եղեան Անգեղովրացի, եւ որ ի վերա գանձի ձիթոյն էր Յովաս որ ի վերայ Անդւոցն էր, որ Յասարովնն են, Սատրայր Սատովնացի
29. որ ի վերայ արջառոյն որ ի հովիտս էր Սափատ որդի Սադաեայ
30. որ ի վերայ ուղտուց երամակեաց էր Ուբիա Իսմաէլատացի որ ի վերայ իշոց երամակաց էր Ադիա Սէրաթովնացի
31. որ ի վերայ հատիցն էր Յովազ Գադարացի: Ամենայն այս իշխանք ինչից ստացուածոց Դաւթի արքայի
32. եւ Յովնաթան հաւրեղբայր Դաւթի այրն խորհրդական իմաստուն եւ ինքնին դպրապետ եւ Յայէլ Սաամնեանց եւ ընդ որդիսն թագաւորին
33. եւ Աքիտովփէլ խորհրդակից արքայի եւ Քուսի բանից ընկեր արքայի
34. եւ զհետ նորա Աքիտովփէլ առ նմին եւ Յովաթ Բանեանց եւ Աբիաթար եւ զաւրավար զաւրացն Դաւթի Յովաբ որդի Շարուհեայ:
Հաղորդում կայքում սխալի վերաբերյալ
Տվյալ հատվածում առկա է սխալ: