1. Եւ որդիք Ղեւեա Գեղսոն Կաաթ եւ Մերարի:
2. Եւ որդիք Գաադա Ամրամ, եւ Իսահար Քեբրով, եւ Գզիէլ:
3. Եւ որդիք Ամրեա Ահարովն, եւ Մովսէս, եւ Մարիամ եւ որդիք Ահարովնի, Նաբատ, եւ Աբիուդ, եւ Եղիազար, եւ Իթամար:
4. Եւ Եղիազար ծնաւ զՓէնէհեզ, եւ Փէնէհեզ ծնաւ զԱբիովտ,
5. եւ Աբիուտ ծնաւ զԲորքի, եւ Բորքի ծնաւ զՈզիա,
6. եւ Ոզիա ծնաւ զԱրես, եւ Ազարիայ ծնաւ զՄարիովթ,
7. եւ Մարիովթ ծնաւ զԱմարիայ, եւ Ամարիա ծնա զԱքիտովփ,
8. եւ Աքիտովփ ծնաւ զՍադովկ եւ Սադովկ ծնաւ զԱքիմաաս,
9. եւ Աքիմաաս ծնաւ զԱզարիայ, եւ Ազարիայ ծնաւ զՅովնան
10. եւ Յովնան ծնաւ զԱզարիայ, այս այն Ազարիայ է որ եկաց քահանայապետ ի տանն Աստուծոյ, ի ժամանակի զի շինէր Սողոմոն յԵրուսաղէմ զտաճարն,
11. եւ Ազարիայ ծնաւ զԱմարիայ, եւ Ամարիայ ծնաւ զԱքիտովփ,
12. եւ Աքիտովփ ծնաւ զՍագովք, եւ Սագովք ծնաւ զՍեղում,
13. եւ Սեղում ծնաւ զԵղքիայ, եւ Եղքիայ ծնաւ զԱզարիայ,
14. եւ Ազարիայ ծնաւ զԶարէհ, եւ Զարէհ ծնաւ զՅուսեդեք,
15. եւ Յուսեդեկ գնաց ի ժամանակին գերութեանն Յուդա եւ Երուսաղէմի ի ձեռն Նաբուքոդոնոսոր արքային բաբեղացւոց:
16. Եւ որդիք Ղեւեա Գեդսովն, Կաաթ եւ Մերարի,
17. եւ այս անուանք են որդւոց Գեդսովնայ, Ղոբենի եւ Շեմէի,
18. եւ որդիք Կաաթայ, Ամրամ, եւ Իսահառ, Քեբրովն եւ Ոզիէլ,
19. եւ որդիք Մերարեայ: Մոողի եւ Ոմուշի, այս են ազգք տանն Ղեւեա, ըստ ազգատոհմին իւրեանց,
20. եւ Գեդսովնայ, Ղովբենի, որդի նորա Յաաթ, որդի նորա Զեմա, որդի նորա
21. Յովղա, որդի նորա Աադով, որդի նորա զԱրա, որդի նորա Յաթրան,
22. որդիք Կաաթայ, որդի նորա Ամինադաբ, որդի նորա Կորէ, որդի նորա Սիր, որդի նորա
23. Եղկանայ, որդի նորա Աբիսասափ, որդի նորա Ասեր, որդի նորա
24. Ուրիէլ, որդի նորա Բաշաւուղ, որդի նորա Յու:
25. Որդիք Եղկանայ, Մաասա որդի նորա Ամիով,
26. որդի նորա Եղկանա, Եղկանայ որդի Սուփ, որդի նորա Նաաթ, որդի նորա
27 28 Սամուէլ, եւ որդիք Սամուէլի անդրանիկ նորա Յովէլ, եւ երկրորդն Աբիամ,
29. եւ որդի Մերարի, եւ որդի Մովեղի, որդի Նադար Ղովբենի, որդի նորա Սէմէի, որդի նորա Անան, որդի
30. Սամենայ, Սուքիկէն
31. զոր կացոյց Դաւիթ ի վերայ երգոցն աւրհնութեան տանն Տեառն, յորմէ հետէ հանգիստ առ տապանակն կտակարանանացն
32. եւ կային պաշտէին առաջի նորա ընդ յարկաւ վրան ժամուն, երգովք աւրհնութեան մինչ ի ժամանակն շինելոյ Սողովնմովնի, զտաճարն Տեառն յԵրուսաղէմ, եւ կային կարգաւ ըստ ընտրութեան պաշտամանն իւրեանց:
33. Այսք որ կային, եւ որդիք իւրեանց ընտ նոսին յորդւոցն Կահաթայ, գլուխ երգոցն Սաղմոսաց Եման որդի Յովելայ, որդւոյ Սամուէլի,
34. որդւոյ Եղկանայ, որդւոյ Յերամայէլի, որդւոյ Եղիաբայ, որդոյ Կահաթու,
35. որդւոյ Սուբեղա, որդւոյ Եղկանայ, որդւոյ Ամիովթ, որդւոյ Ամիովս, որդւոյ Մանաշայ,
36. որդւոյ Եղկանայ, որդւոյ Յովելայ, որդւոյ Ազարիայ, որդւոյ Ծոփոնիա,
37. որդւոյ Թաաթ, որդւոյ Ասար, որդւոյ Աբիսափ, որդւոյ Եղկանայ, որդւոյ Ասիր, որդւոյ Կորի,
38.՞ որդւոյ Ամինադաբ, որդւոյ Իսրայէլ, որդւոյ Կաաթ, որդւոյ Ղեւի, որդւոյ Իսրայէղ:
39. Եւ եղբայր նորա Ասափ որ կայր ընդ աջմէ նորա, Ասափ որդի Բարաքեայ որդւոյ Սամաայ,
40. որդւոյ Բարաքիէլի, որդւոյ Մանասեա, որդւոյ Մեղքիայ,
41. որդւոյ Եթանիայ, որդոյ Զարեհեա, որդւոյ Ադայիայ,
42. որդւոյ Եթամ, որդւոյ Զեմայ, որդւոյ Սէմէի,
43. որդւոյ Յաաթ, որդոյ Գեթսովն, որդիոյ Ղեւի:
44. Եւ որդիքն Մերարեա եղբարք նոցուն ի ձախակողմ կուսէ Եթամ որդի Քուշեա, որդո Աբդիայ, որդւոյ Մաաղովք,
45. որդւոյ Ասաբիայ, որդւոյ Քեղկեա,
46. որդւոյ Ամասի, որդւոյ Բանի, որդւոյ Սեմեր,
47. որդւոյ Մոողի, որդւոյ Մուշի, որդւոյ Մերարի, որդւոյ Ղեւի,
48. եւ եղբարք նոցուն, ըստ ազգատոհմին հարցն իւրեանց տուեալ էին ի ծառայութիւն: Ծառայել ամենայն ծառայութեամբ, վրան ժամուն տանն Աստուծոյ
49. եւ Ահարովն եւ որդիք իւր խնգոց պատարագաց եւ ողջակիզաց սեղանոյն, եւ յամենայն գործս սրբոց սրբոյն ի քաւել զԻսրայէղէն, ըստ ամենայնի որ ինչ պատուիրեաց Մովսէս ծառային Տեառն:
50. Եւ այս էին որդիքն Ահարովնի Եղիազար որդի նորա, Բենեհեզ որդի նորա, Աբիսութ որդի նորա,
51. Բոոքի որդի նորա, Ոզի որդի նորա, Զարեհ որդի նորա,
52. Մարիովթ որդի նորա, Ամարիա որդի նորա, Աքիտովփ որդի նորա,
53. Սադովք որդի նորա, Աքիմաաս որդի նորա:
54. Եւ այս բնակութիւնք նոցա յանդաստանս իւրեանց եւ ի սահմանս իւրեանց որդւոցն Ահարոնի, ազգատոհմին Կաաթու, զի նոցա ելին նախավիճակք եւ
55. ետ նոցա զՔեբրովն յեկրին Յուդայ, յերկրին Հրէաստանի շուրջ զքաղաքաւքն իւրեանց անդէն զիւրեամբք,
56. բայց զագարակս քո քաղաքին անդաստանաւք իւրեանց հանդերձ, ետուն զայն Քաղեբայ որդւոյ Յեփոնեայ
57 որդւոցն Ահարովնի ետուն զքաղաքսն ապաւինի զՔեբրովն, եւ Զոբնայ եւ շուրջ զքաղաքաւքն իւրեանց Զադովմն, եւ շուրջ զքաղաքաւքն իւրովք զՔեդովմն,
58.՞ եւ շուրջ զքաղաքաւքն իւրովք Զաբիրն եւ որ զիւրեւն էին,
59. զԱսանն եւ շուրջ զքաղաքաւն իւրով զԲագին եւ որ շուրջ զքաղաքաւն իւրով:
60. Եւ ի Բենիամին գնդէ անդի ետուն զԳաբեն եւ որ շուրջ զքաղաքաւն իւրով զԱղամովթ եւ որ շուրջ զիւրեւն էին զԱնաթովթն եւ որ շուրջ զքաղաքս նոցաւն էին: Ընդ ամենայն քաղաքս նոցա երեք տասան քաղաք ընդ ամենայն ազգատոհմս նոցա մնացորդացն
61. որդւոցն Կահաթու ազգատոհմին կէս ազգին Մանասեան գնդին վիճակաւ ելանէր տասն քաղաք
62. եւ որդւոց Գեթսոնայ ըստ ազգատոհմս իւրեանց յիսաքար գնդէ անդի եւ յազգէն Ասերայ յազգէն Նեփթաղեմի որ ի Բիշովն քաղաքք էին երեք տասան:
63. Եւ որդւոցն Մերարեա ըստ ազգատոհմս իւրեանց, ի Հռուբէն գնդէ անտի, եւ ի Գադ, եւ ի Զաբուղովն գնդէ վիճակաւ ելանէին քաղաքք երկոյտասան:
64. Եւ ետուն որդւիքն Իսրայէղի զքաղաքսս զայս Ղեւտացւոցն անդաստանաւք իւրեանց հանդերձ,
65. յազգատոհմէ անտի որդւոցն Յուդայ, եւ յազգէ Շմաւովնի եւ ի Բենիամին գնդէ անտի զքաղաքս զայս ամենայն զի դիցեն ի վերայ նոցա անուանս իւրեանց,
66. եւ որ յազգատոհէ անտի որդւոցն Կայաթու էին, եղեն քաղաք ի սահմանաց նոցա յԵփրեմ գնդէ անտի
67. ետուն նոցա զքաղաքսն ապաստանին զՍիւքէմն, եւ որ շուրջ զնովաւն էին յԵփրեմ լերինն զԳազերն շուրջ զքաղաքաւն իւրով հանդերձ
68. Զեկմաան եւ որ շուրջ զիւրեւն էին
69. զԵղմովն եւ որ շուրջ զիւրեաւն էին զԳեթրեմովնն, եւ որ շուրջ զիւրեւն էին,
70. եւ ի կես ազգեան Մանասէի անտի ետուն զԱնաւր եւ որ շուրջ զիւրեւն էին զՅեբղահամն, եւ որ շուրջ զիւրեաւն էին, ազգատոհմին որդոցն Կաաթու մնացելոցն,
71. եւ որդւոցն Գեթսոնա յազգատոհմէ անտի, ի կես ազգէ անտի Մանասէի, զԳաւղովնն, եւ ի Բիշովն, եւ որ շուրջ զիւրեւն հանդերձ, զԱստարովթ եւ որ շուրջ զիւրեւն էին:
72. Եւ յազգատոհմէ անտի Իսաքարու զԿեղէսն,
73. եւ որ շուրջ զիւրեւն էին
74 75 զՀռաբովթն, եւ որ շուրջ զիւրեւն էին, զԱկովնն եւ որ շուրջ զիւրեւն էին:
76. Եւ ի Նիփթաղիմ գնդէ անտի, զԿադէսն ի Գալիլեա, եւ որ շուրջ զքաղաքաւն էին, զՔամովթն եւ որ շուրջ զիւրեւն էին. զԿայիաթեմն եւ որ շուրջ զիւրեւն էին,
77. եւ որդւոցն Մերարի մնացորդացն ի Զաբուղովն գնդէ անտի զՌամնովն, եւ որ շուրջ զիւրեւն էին, զԲաթովնն եւ զզատեալ կողմանսն զԿեհեկեա
78. յայնկոյս Յորդանան գետոյ Յերիքով կոյս ընդ արեւելս ի Յորդանան կոյս յազգէն Հռուբէլի, զԲոծրովնն յանապատի անտ, եւ որ շուրջ զնովաւն էին
79. զԿադէսն եւ որ շուրջ զնովաւն էին:
80. Եւ ի Գաղաադ գնդէ անտի զՀռամաադ Գաղաադն եւ որ շուրջ զնովաւն էին,
81. զՅազերն, եւ որ շուրջ զնովաւն էին:
Հաղորդում կայքում սխալի վերաբերյալ
Տվյալ հատվածում առկա է սխալ: