1. Եւ այս որդւոցն Ահարովնի բաժինք: Որդիք Ահարովնի Նաբաթ եւ Աբիութ, Եղիազար, եւ Իթամար,
2. եւ մեռան Նաբաթ եւ Աբիութ, առաջի հաւրն իւրեանց եւ որդի ոչ գոյր նոցա: Եւ քահանայացաւ Եղիազար եւ Իթամար, որդիք Ահարովնի,
3. եւ արար նոցա բաժինս Դաւիթ եւ Սադովկ յորդւոցն Եղիազարու եւ Աբիմեղեք յորդւոցն Իթամարայ, ըստ հանդիսին իւրեանց ի պաշտամանն իւրեանց:
4. Եւ գտան որդիքն Եղիազարու առաւելագոյն իշխանք զաւրաւորացն քան զորդիսն Իթամարայ, եւ բաժանեաց զնոսա Դաւիթ յիշխանս յիշխանս տան ազգատոհմին մետասան: Եւ որդւոցն Իթամարու ըստ ազգատոհմին ութ,
5. եւ արար զբաժինն, վիճակաւք նոցա ընդ նոսա, եւ սոցա ընդ նոսա, զի էին զաւրաւորք ի սուրբն սրբոց, եւ իշխանք ի պաշտաւն Աստուծոյ ի մէջ որդւոցն Եղիազարու եւ ի մէջ որդւոցն Իթամարայ,
6. եւ գրեաց զնոսա Ամեաս որդի Նաթանայելի դպրապետն Ղեւեայ առաջի արքայի եւ իշխանացն: Եւ Սադովկ քահանայապետի եւ Աքիմելեքա որդի Յաբիթարու եւ իշխանաց նահապետացն ղեւտացւոց տուն յազգատոհմէ անտի Իթամարայ:
7. Եւ ել վիճակն առաջին առ Յարիմ: Եւ երկրորդն առ Յուդայա:
8. Եւ երրորդն առ Բարամ: Եւ չորրորդն, առ Գէուրիմ:
9. Եւ հինգերորդն առ Մելքիէլ, եւ վեցերրորդն առ Մէիման,
10. եւ եւթներորդն առ Ակովս: Եւ ութերրորդն առ Աբիայ:
11. Եւ իններորդն առ Յիշով: Եւ տասներրորդն առ Յեքոնիայ:
12. Եւ մետասաներորդն առ Եղեւասոփ եւ երկոյտասաներրորդն առ Յակիմ:
13. Եւ երեքտասաներորդն առ Յափփայ: Չորեքտասաներորդն առ Յեզբաղ:
14. Եւ հնգէտասաներորդն առ Բեղկայ: Վեշտասաներրորդն առ Եմեր:
15. Եւ եւթն ու տասաներորդն առ Քեզիր, ութ ու տասաներորդն առ Ափեսէ,
16. ինն ու տասաներրորդն առ Փարիայ: Եւ քսաներորդ առ Յեզէկայ:
17. Եւ առաջնորդ քսաներորդ առ Աքին, եւ երկրորդ քսաներորդն առ Կամէլ,
18. եւ երրորդ քսաներորդ առ Գաղաայ: Եւ չորդ քսաներորդ առ Մովոզիայ:
19. Այս գիր համարո է ըստ պաշտաման նոցա, առ մտանել ի տուն Տեառն ըստ ընտրութեանն իւրեանց ի ձեռն Ահարովնի հաւրն իւրեանց որպէս պատուէր ետ Տէր Աստուած որդւոցն Իսրայէղի
20. եւ որդւոցն Ղեւեա մնացորդաց: Արդ որդւոցն Աբրամ, Սովբիէլ, Ադաիայ:
21. Որդոցն Աբիա Յուսիայ գլուխ:
22. Որդւոցն Իսահառ Սաղովմիթ գլուխ: Որդւոցն Սաղովմիթ Իթիաթարէաթ գլուխ:
23. Որդւոցն Քեբրովն Այառիա գլուխ, Ամարիա երկրորդ, Յազիէլ երորդ, Իկանիաս չորրորդ,
24. որդւոցն Ազիելայ Միքեա գլուխ, եւ Յուսիայ երկրորդ, որդւոցն Միքեայ Սեմէ:
25. Որդւոցն Յուսիա, Զաքարիայ
26. որդւոցն Մերարի, Մոողի, եւ Մուշի, Ոզիայ որդի նորա, Բունիա
27. որդի նորա, Յեսամ որդի նորա, Կեզաք, քուր եւ Բարիայ,
28. Մովոզեա, Եղիազար եւ Իթամար: Եւ ոչ գոյին Եղիազարու որդիք.
29. Որդիք Սիկեայ, Յերամաէլ, Մուշի:
30. Որդիք Մուշեա Մոողի եւ Եդեր եւ Յերիմովթ: Այս որդիք Ղեւտացւոց ըստ ազգատոհմին տան նոցա,
31. եւ առին նոքա վիճակս որպէս եղբարք իւրեանց եւ առաջի արքայի եւ Սագովք եւ Աբիմելէք, եւ իշխանք ազգատոհմին քահանայիցն եւ Ղեւտացւոցն, որ կային ի վերայ նոցա, ազգ առաջնոյն ընդդէմ եղբաւր իւրոյ կրսերոյ:
Հաղորդում կայքում սխալի վերաբերյալ
Տվյալ հատվածում առկա է սխալ: