1․ Եւ Դաւիթ հինաւուրց ծերացեալ լի աւուրբք: Թագաւորեցոյց զՍողոմովն որդի իւր փոխանակ իւր ի վերայ Իսրայէղի,
2․ եւ հրամայեաց ժողովել զամենայն իշխանիս Իսրայէղիացոցն եւ զքահանայս եւ զղեւտացիս
3․ եւ կալան զթիւ համար ղեւտացիքն, յերեսնեմենից եւ ի վեր, եւ էր թիւ նոցա ըստ մարդոյ, արդ իբրեւ երեսուն եւ ութ հազար,
4․ ի սոցանէ ստիպաւղք եւ վարիչք ի գործ Տեառն քսան եւ չորս հազարք եւ դպիրք եւ դատաւորք վեց հազարք
5․ եւ երգիչք զոր արարեալ եւ կազմեալ էր Տեառն Աստուծոյ չորս հազարք:
6․ Եւ բաժանեաց զնոսա Դաւիթ շաբաթաւորս շաբաթաւորս որդւոցն Ղեւեայ Գէթսոնին, եւ Կաաթայն եւ Մերարեայն
7․ ի գունդն Գէթսոնի Ղովբենի եւ Սէմէի զաւրագլուխ Ղադան:
8․ Եւ որդիք Ղաադանու Էիէլ
9․ եւ Սեմէի որդիք Սաղովմիթ, եւ Ոզիէլ, եւ Արամ, երեք սոքա իշխանք ազգատոհմին Ղաադանայ
10․ եւ որդիք Սեմէի Յիէլ եւ Զիզայ, եւ Յովաս, եւ Բերիայ, այս որդիք Սեմեայ չորք
11․ եւ էր Յիէլ առաջին եւ Զիզա երկրորդ, եւ Յովաս, եւ Բերիայ որոց ոչ խառեցաւ զաւակ, եւ եղեն սոքա ընդ մի բաժին ի ժառանգութեան համարի
12․ որդիքն Կաաթա Աբրամ, Յեսաար, Քեբրովն, եւ Ոզիէլ չորք
13․ որդիք Ամրեմայ Ահարովն, եւ Մովսէս, ապա ընտրեցաւ Ահարոն ի նուէր սրբութեան նուիրել սուրբ սրբոցն մինչչեւ յաւիտեան, արկանել խունկս առաջի Տեառն եւ պաշտել առաջի նորա եւ աղաւթս առնել առ նա մինչչեւ յաւիտեանս
14․ եւ Մովէսայ Աստուծոյ եւ որդիք նորա ոչ անուանեցան յազգս ղեւտացւոց:
15․ Որդիք Մովսէսի Գերսամ եւ Եղիեզեր,
16․ որդիք Գերսամա Սուբիէլ առաջինն,
17․ եւ էին որդիք Աբիա առաջինն եւ այլ ոչ գոյին, Եղիազարու որդիք բայց որ աճեցին ի բարձրն:
18․ Որդիք Իսաար Սաղոմիթ առաջին:
19․ Որդի Քեբրովնայ Եգղիայ առաջին, Ամարիա երկրորդն, Յազիէլ երորդ, Յակամիայ չորրորդ:
20․ Որդիք Եզիէլի Միքաս առաջին, եւ Յովսարամ երկրորդ,
21․ եւ որդիք Մերարի, Յովիէլ եւ Մուշի: Որդիք Մովեղա Եղիազար, եւ Կիս,
22․ եւ մեռաւ Եղիազար եւ որդի ոչ գոյր նորա, բայց դստերք եւեթ էին եւ առին զնոսա որդիքն, Կիս եղբայր նոցա,
23․ որդւոյ Մուշի, Մովեղի եւ Եդեր եւ Երիմովթ երեք սոքա:
24․ Որդիք Ղեւայ ըստ ազգատոհմին տանց իւրեանց համարոյ թուոյ անուանց նոցա, ըստ մարդոյ գործավարացն որ պաշտէին ի սպասու տան Տեառն ի վեցամենից եւ ի վեր
25. եւ ասաց Դաւիթ հանգիս արար Տէր Աստուած Իսրայէղի ժողովրդեան իւրում, եւ բնակեցոյց զձեզ յԵրուսաղէմ մինչչեւ յաւիտեան: 26. Արդ ղեւտացւոցն ոչ գոյ թիւ, որ բառնալ կարիցեն զգանձ եւ զկահկարասի սպասու պաշտամանն
27. զի ի բանս Դաւթի վերջինս թիւ որդւոցն Ղեւեայ ի քսանամենից եւ ի վեր,
28. զի հաստատեաց զնոսա ի ձեռն որդւոցն Ահարովնի պաշտել ի տան Տեառն ի վերա դրանցն եւ որսկապանացն ի վերայ սրբութեան ամենայն սրբոց եւ ի վերայ գործոց պաշտաման տանն Աստուծոյ,
29. եւ ի վերայ հացին, որ առաջի դնեն, եւ ի վերայ նաշհին պատարագացն, եւ ի վերայ յանխում նմա գառան, եւ ի վերայ խմեալ տապակելոյն
30. եւ ի վերայ յանդիմանութեան այգուն պաշտամանն. եւ ի վերայ խոստովանութեան աւրհնութեան Տեառն ընդ երեկոյս,
31. ի վերայ ամենայն մատուցելոցն ողջակիզաց Տեառն յաւուր շաթուցն եւ յաւուրս ամսագլուխ տաւնից տարեկանացն ըստ թուոյն ընտրութեան նոցա յամենայն ժամ առաջի Տեառն:
32. Եւ պահեսցեն զպահս վրան ժամուն, եւ զպահս սուրբ սրբոյն եւ զպահս որդւոցն Ահարովնի եղբարցն իւրեանց առ ի պաշտելն ի տան Տեառն:
Հաղորդում կայքում սխալի վերաբերյալ
Տվյալ հատվածում առկա է սխալ: