1. Պատգամն Աստուծոյ, որ եղեւ ի վերայ Երեմիայի Քեղկեայ, ի քահանայից անտի՝ որ բնակեալ էր յԱնաթովթ յերկրին Բենիամինի։
2. Առ որ եղեւ բան Տեառն յաւուրս Յովսիայ որդւոյ Ամոնայ արքայի Հրէաստանի. յերեքտասաներորդի ամի թագաւորութեան նորա։
3. Եւ եղեւ յաւուրս Յովակիմայ որդւոյ Յովսիայ արքայի Հրէաստանի, մինչեւ ի վախճան մետասաներորդի ամին Սեդեկիայ որդւոյ Յովսիայ արքայի Յուդայ՝ ցգերութիւնն Երուսաղէմի, յամսեանն հինգերորդի։
4. Եղեւ բան Տեառն առ իս՝ եւ ասէ.
5. Մինչ չեւ ստեղծեալ էիր յորովայնի, գիտեմ զքեզ. եւ մինչ չեւ ելեալ էիր յարգանդէ, սրբեցի զքեզ. մարգարէ ի հեթանոսս եդի զքեզ։
6. Եւ ասեմ. Որ եսդ Տէր Տէր. ահաւասիկ եւ խաւսել իսկ ոչ գիտեմ, զի մանուկ եմ ես։
7. Եւ ասէ ցիս Տէր. Մի ասեր եթէ մանուկ եմ ես. զի առ ամենեսեան առ որս առաքեցից զքեզ՝ երթիցես. եւ ըստ ամենայնի զոր միանգամ պատուիրեցից քեզ՝ խաւսեսցիս։
8. մի երկիցես յերեսաց նոցա՝ զի ընդ քեզ եմ ի փրկել զքեզ՝ ասէ Տէր։
9. Եւ ձգեաց Տէր զձեռն իւր առ իս՝ եւ մերձեցոյց ի բերան իմ, եւ ասէ ցիս. Ահա ետու զբանս իմ ի բերան քո։
10. ահա կացուցի զքեզ այսաւր ի վերայ ազգաց եւ թագաւորութեան, խլել եւ Կատարեցաւ Մարգարէութիւնն Եսայայ բերել կորուսանել եւ յատակել, եւ շինել եւ տնկել։
11. Եւ եղեւ բան Տեառն առ իս՝ եւ ասէ. Զի՞նչ տեսանես Երեմիա. եւ ասեմ՝ Գաւազան ընգուզի տեսանեմ ես։
12. Եւ ասէ ցիս Տէր. Բարւոք տեսանես. զի զարթուցեալ եմ ի բանս իմ առնել զնոսա։
13. Եւ եղեւ բան Տեառն առ իս կրկին անգամ եւ ասէ, Զի՞նչ տեսանես. եւ ասեմ, Կատսա յեռանդան տեսանեմ ես, եւ երեսք նորա յերեսաց հիւսւսոյ։
14. Եւ ասէ ցիս Տէր. Յերեսաց հիւսւսոյ բորբոքեսցին չարիք ի վերայ բնակչաց երկրի։
15. զի ահաւասիկ ես միախուռն կոչեցից զամենայն թագաւորութիւնս թագաւորութեանց՝ ի հիւսիւսոյ երկրէ՝ ասէ Տէր. եկեսցեն եւ արկցեն զիւրաքանչիւր աթոռ ի վերայ սեմոց դրանցն Երուսաղէմի, եւ ի վերայ ամենայն պարսպացն նորա շուրջանակի, եւ ի վերայ ամենայն քաղաքաց Հրէաստանի։
16. Եւ խաւսեցայց դատաստանաւ ընդ նոսա վասն ամենայն չարեաց իւրեանց. զի թողին զիս եւ զոհեցին աստուածոց աւտարաց, եւ երկիր պագին գործոց ձեռաց իւրեանց։
17. Եւ դու պնդեա զմէջ քո, արի եւ ասա նոցա զամենայն զոր միանգամ ես պատուիրեմ քեզ. մի երկիցես յերեսաց նոցա, եւ մի զանգիտիցես առաջի նոցա. զի ընդ քեզ եմ ես՝ ի փրկել զքեզ ասէ Տէր։
18. Բայց ես ահաւադիկ եդի զքեզ այսաւր իբրեւ զքաղաք ամուր. եւ իբրեւ զսիւն երկաթի, եւ իբրեւ զպարիսպ պղնձի ամուր, ամենայն թագաւորաց Հրէաստանի եւ իշխանաց նորա, եւ քահանայից նորա եւ ժողովրդեան երկրին։
19. Եւ մարտիցեն ընդ քեզ՝ եւ քեզ ինչ ոչ կարիցեն ստնանել. զի ես ընդ քեզ ե եմի փրկել զքեզ ասէ Տէր։
Հաղորդում կայքում սխալի վերաբերյալ
Տվյալ հատվածում առկա է սխալ: