1. Եւ հաստատեաց Դաւիթ արքայ, եւ իշխանք զաւրացն ի վերայ գործոյն զորդիսն Ասափայ, զԵմանն, եւ զԵդիթովմ, որ մարգարէանային ի փող եւ ի թմբուկ եւ ի քնար: Եւ եղեւ թիւ նորա ըստ մարդաթուի արանց.
2. Որդիք Ասափայ Զաքուր եւ Յուսէփ, եւ Նաթանիաս, եւ Ակիրեղայ: Որդիք Ասափայ Զանիա, Սափա մարգարէութեամբ զհետ արքայի
3. առ Իգիթոմ: Որդիք Իգիթոմ Գոդիղայ, եւ Սուրի, եւ Ասիայ, եւ Ասաբիայ, եւ Հեզրի, եւ Մատաթի զկնի հաւրն իւրեանց, Իդիթովմ ի քնար մարգարէութեան խոստովանութեան աւրհնութեան Տեառն զկնի Եման:
4. Որդիք Եմանայ Բոքիայ, եւ Մատթանիայ, եւ Ոզիէլ, եւ Սոբայէլ, Երիմովթ եւ Անայիաս եւ Անանիէլ եւ Եղիաթայ եւ Գողոդաթ, եւ Արամաթի Եզեր եւ Յեզբոգ եւ Մաղեթի, Եսթիր եւ Մազիովթ.
5. ամենեքին սոքա յԵմանայ տեսանողին արքայի ի բանս Աստուծոյ զի բարձրասցի եղջիւր: Եւ ետ Աստուած որդիս Եմանա չորեքտասան, եւ դստերս երիս,
6. ամենեքին սոքա երգիչք աւրհնութեան ի տան Տեառն ի փող եւ ի քնար, ի ծառայութեան տան Աստուծոյ զկնի արքայի Ասափայ, եւ Իգիթովմ եւ Եման,
7. եւ եղեւ թիւ նոցա եղբարք իւրեանց հանդերձ որ ուսուցեալ էին երգել զաւրհնութիւնս Տեառն ամենայն որ իմաստնացեալ էին.ՄՁԸ.,
8. ապա արկանէին վիճակս շաբաթաւորաց միմեանց ընդդէմ, մեծի եւ փոքու ըստ իմաստնանալոյն եւ որ դեռ յուսմանն էր,
9. եւ ել վիճակն առաջին Ասափայ, եւ որդւոց իւրոց եւ եղբարցն իւրոց եւ Յուսիփա առաջին, Գոդողիա երկրորդ, ինքն եւ եղբարք իւր, եւ որդիք իւր երկոյտասան,
10. երրորդ Զաքուր ինքն եւ եղբարք իւր երկոտասանք,
11. չորրորդ Ասիրէլ, որդիք իւր եւ եղբարք իւր երկոտասան,
12. հինգերրորդ Նաթանիայ որդիք իւր եւ եղբարք իւր երկոտասան,
13. վեցերորդ Բոքիա որդիք իւր եղբարք իւր երկոտսան:
14. Եւթներորդ Եզրի որդիք իւր եւ եղբարք իւր երկոտասան:
15. Ութերորդ Իսաիայ որդիք իւր եւ եղբարք իւր երկոտասան:
16. Իններորդ Մաթանիայ որդիք իւր եւ եղբարք իւր երկոտասան,
17. տասներորդ Սուբի որդիք իւր եւ եղբարք իւր երկոտասան:
18. Մետասաներորդ Ոզիէլ որդիք իւր եւ եղբարք իւր երկոտասան,
19. երկոտասաներորդ Ասափ որդիք իւր եւ եղբարք իւր երկոտասան:
20. Երեք տասաներրորդն Սուբիէլ որդիք իւր եւ եղբարք իւր երկոտասանք,
21. չորեքտասաներորդ Մատաթի որդիք իւր եղբարք իւր երկոտասան:
22. Հնգետասաներորդ Յերիմովթ որդիք իւր եղբարք իւր երկոտասանք:
23. Վեշտասաներորդ Անանիայ որդիք իւր եղբարք իւր երկոտասանք:
24. Եւթնու տասներորդ Յեսբոք որդիք իւր եւ եղբարք իւր երկոտասանք,
25. ութ ու տասներրորդ Անանիէլ որդիք իւր եղբարք իւր երկոտասանք,
26. ինն ու տասներորդ Մաղակթի որդիք իւր եւ եղբարք իւր երկոտասանք,
27. քսաներորդ Եղիաթայ որդիք իւր եւ եղբարք իւր երկոտասանք,
28. քսաներորդ առաջներորդ Ութիր որդիք իւր եւ եղբարք իւր երկոտասանք,
29. քսաներորդ երրորդ Երազիովթ որդիք իւր եւ եղբարք իւր երկոտասանք,
30.
31 քսաներորդ չորրորդ Ամաթիեզեր որդիք իւր եւ եղբարք իւր երկոտասանք:
Հաղորդում կայքում սխալի վերաբերյալ
Տվյալ հատվածում առկա է սխալ: