1. Եւ Ազարիա որդի Սովգեա, եղեւ ոգի Աստուծոյ ի վերայ նորա,
2. եւ ել նա ընդ առաջ Ասայի եւ ասէ ցնա. Լուր ինձ Ասա, դու եւ ամենայն զաւրքդ Յուդայ, եւ Բենիամին տէր Աստուած ձեր ընդ ձեզ է, զի եղերուք դուք ընդ նմա: Եւ թէ խնդրեսջիք դուք զնա գտցի նա զձեզ, եւ թէ թողցէք դուք զնա, լքցէ զձեզ:
3. եւ աւուրք Իսրայէղի եւ ոչ յԱստուած ճշմարիտ եւ ոչ ոք ի քահանայս, որ ցուցանեն զնա նոցա, եւ ոչ ընդ աւրինաւք տեսեր նստան տառապանաւք եւ թշուառութեամբ,
4. եթէ դարձցին նոքա ի տէր Աստուած Իսրայէղի, եւ խնդրեսցեն զնա, գտցի նոցա,
5. ի ժամանակս յայնս ոչ գոյր խաղաղութիւն որ ելանէր կամ մտանէր, զի բարկութիւն Տեառն յոյժ է ի վերայ ամենայն բնակչաց երկրին:
6. եւ պատերազմացն ազգ ընդ ազգի, եւ քաղաք ընդ քաղաքի զի Աստուած յիմարեցոյց զնոսա ի նեղութեան իւրեանց,
7. այլ դուք զաւրացարուք եւ մի լքցին ձեռք ձեր զի կան մնան վարձք վաստակոց ձերոց,
8. եւ իբրեւ ասաց զբանս պատգամիս այսորիկ մարգարէութեան ուխտ եդ Աստուծոյ մարգարէին զաւրացաւ քաջալերեցաւ, ընդ խառնեցաւ խլել հանել զամենայն պաշտամունս պղծութեան յերկրէն Յուդայ, եւ ի Բենիամենի յամենայն քաղաքացն զոր թափեաց նա Յերոբովամայ արքայէ յԵփրիմ լերին: Ապա նորոգէր Ասայ առնէր նաւակատիս սեղանոյն Տեառն առաջի տաճարին Տեառն:
9. Արդ` ժողով առնէր Ասա, զՅուդայ եւ զԲենիամին եկաւքն եւ պանդխտաւք հանդերձ որ յԵփրիմն եւ ի Մանասէ, եւ ի Շմաւովն գնդէ անդի եկեալ էին զի եկին յաւելան առ նա ի ժողովոյն Իսրայէղացւոց բազումք իբրեւ տեսին եթէ տէր Աստուած նորա ընդ նմա է:
10. եւ ժողովեցան յԵրուսաղէմ յամսեանն երորդի յամին հինգէտասաներորդի թագաւորութեանն
Ասայի:
11. եւ մատուցին ողջակէզս պատարագաց տեառն Աստուծոյ յաւուր յայնմիկ յաւարէ անտի զոր բերեալ
էր զուարակս եւթն հարիւր եւ նոխազ եւթն հազար:
12. եւ եկին մտին յուխտի դաշինս տեառն Աստուծոյ հարցն իւրեանց յամենայն սրտից եւ ի մտաց իւրեանց,
13. եւ ամենայն որ ոչ խնդրեսցէ զտէր Աստուած հարցն իւրեանց մահու մեռցի ի մանգանց տղայոց յերիտասարդաց ի ծերոց յարանց մինչչեւ ի կանայս,
14. եւ զուարթացան,
15. ուրախ եղեն վասն երդմանն զի ամենայն սրտիւ իւրեանց եւ կամաւք իւրեանց արարին զի խնդրեցին զՏէր եւ գտին զնա եւ դադարեցոյց, շուրջ զնոքաւք զթշնամիս նոցա,
16. եւ զՄայաքայ զմայր արքայի Ասայի, փոխեաց զի մի իշխեսցէ այլ պաշտաւն մատուցանել Աստղկան: Եւ առեալ զկուռս նովին կոտորոտէր, եւ այրեր ի հեղեղատին ի կեդրոն:
17. Գրաբար թարգմանությունը բացակայում է ։
18. Բայց սակայն զբարձունսն ոչ բարձին ի միջոյ զի էին ի մէջ Իսրայէղացւոց, եւ սիրտ Ասայի չէր կատարեալ զամենայն աւուրս կենաց իւրոց:
19. եւ տայր նա զնուէրս հաւր իւրոյ, եւ նուէրսն իւր ի տուն Տեառն, զարծաթ զոսկի եւ զայլ կահ կարասի ինչ, եւ գործ պատերազմի ոչ գոյր ընդ Ասայի, մինչչեւ հինգ եւ ի քսաներորդ ամ թագաւորութեանն:
Հաղորդում կայքում սխալի վերաբերյալ
Տվյալ հատվածում առկա է սխալ: