Գլուխ 3

 

1․ Եւ սկսաւ շինել Սողոմովն զտունն յԵրուսաղէմ ի լերինն Յամորիա ուր երեւեցաւ Տէր Դաւթի հաւրն նորա ի տեղւոջն ուր պատրաստեաց Դաւիթ տեղի զկալն ուռնեայ Յեբուսացւոյ,

2․ եւ սկսաւ շինել Սողոմոն յամին չորրորդի յամսեանն երկրորդի թագաւորութեան իւրոյ:

3․ Եւ այսպէս սկսաւ շինել Սողոմովն զտաճարն Աստուծոյ, երկայնութիւն տաճարին առաջին չափովն վաթսուն կանգուն

4․ եւ զեղամն ընդ դէմ տաճարին ի լայնութիւնս կանգունս քսան եւ ի բարձրութիւնս կանգունս հարիւր եւ քսան եւ պատեաց զնա ոսկւով եւ ոսկւով քաջաւ:

5․ եւ զտունն մեծ դրուագէր մայր փայտիւ, եւ պատէր զնա ոսկւով քաջաւ եւ քանդակէր ի նմա արմաւենիս եւ խառնէր զարդ շղթաաձեւ խառնած,

6․ եւ կապէր ականս պատուականս լուսաւորս ոսկւով քաջաւ որ ի փարոյիմ վայրացէ,

7․ եւ պատեաց զտունն ոսկիով եւ զորմսն եւ զդրանդսն եւ զդրունսն եւ անդ քանդակէր քրովբէս ի վերայ որմոյն

8․ եւ շինէր զտունն սրբոյն սրբոց, զերկայնութիւն նորա ի լայնութիւն տանն առաջնոյ քսան կանգունս, եւ պատէր զնա ոսկւով սրբով ոսկւովն յեփարիմ վեց հարիւր քանքար

9․ կշիռ ոսկոյ եւ ի բեւեռ բեւեռ յիսուն կշիռ ոսկոյ, եւ զձեղունն ոսկով պատէր

10․ եւ առնէր տան սրբոյն սրբոց երկու քրովբէս գործ քանդակեալ փայտեա պատեալ ոսկով.

11․ եւ թեւք քրովբէիցն երկայնութիւն քսան կանգուն եւ թեւ միոյ քրովբէիցն միոյ կողման հինգ կանգուն որ յորմ անդր կցէր

12․ եւ միւս եւս թեւ հինգ կանգուն, որ ի թեւ անդր կցէր միւսոյ քրովբէիցն եւ հինգ կանկուն որ ի յորմ անդր կցէր տանն եւ հինգ կանգուն որ ի

13․ թեւ քրովբէին միւսոյ կցէր եւ տարածեալ թռուցեալ կային թեւքն քսան կանգուն եւ ինքեանք յոտս իւրեանց կային:

14․ եւ առնէր վարագոյր կարմիր ի ծիրանոյ ի կապուտակէ եւ ի բեհեզ նիւթոյ եւ ի նմին անկանէր զքերովբն:

15․ եւ առնէր կանգնէր ընդ դէմ տաճարին սիւնս երկու, երեսուն եւ հինգ կանգնոյ բարձրութիւն եւ լայնութիւն խոյակացն հինգ կանգուն:

16․ եւ դնէր ի վերա գործ վանդակապատ եւ շուրջ մանեակ ի վերայ խոյակացն սեանցն եւ անդ առնէր դնէր խառնեալ ընդ վանդակսն հարիւր զանկակ նռնաձեւ եւ սիւնս կանգնէր ընդ դէմ տաճարին մի յաջմէ եւ մի ձախմէ, եւ կոչէր զանունս սեանցն որ յաջմէն էր Յաքիմ, եւ որ ի ձախմէն էր Բոոզ: