1․ Եւ բուռն հարկանիցեն եւթն կին զառնէ միոջէ` եւ ասիցեն. հաց` զմեր կերիցուք` եւ հանդերձ` զմեր զգեցցուք. բայց միայն անուն քո կոչեսցի ի վերայ մեր. բարձ ի մէնջ զնախատինս մեր:
2․ Յաւուր յայնմիկ ծագեսցէ Աստուած խորհրդովք փառաւք իւրովք յերկիր, բարձրացուցանել եւ փառաւոր առնել զմնացորդս Իսրայէլի:
3․ Եւ մնացորդքն Սիովնի, եւ մնացորդքն Երուսաղէմի սուրբք կոչեսցին` ամենեքեան որ գրեցան յԵրուսաղէմ ի կեանս:
4․ Զի լւասցէ Տէր զաղտն ուստերաց եւ դստերաց Սիոնի եւ զԵրուսաղէմի. եւ զարիւնն ի բաց սրբեսցէ ի միջոյ նոցա հոգւով դատաստանաց, եւ հոգւով այրման:
5․ Եւ եկեսցէ եւ հասցէ Տէր, եւ եղիցի ամենայն տեղի լերինն Սիոնի, եւ ամենայն որ շուրջ զնովաւ իցէ` հովանի ամպոյ ի տուէ. իբրեւ զծուխ եւ զլոյս հրոյ բորբոքելոյ ի գիշերի. ամենայն փառաւք ծածկեսցի:
6․ Եւ եղիցի հովանի ի տաւթոյ, եւ յարկ ծածկութեան ի խստութենէ անձրեւոյ:
Հաղորդում կայքում սխալի վերաբերյալ
Տվյալ հատվածում առկա է սխալ: