1. Յաւուր յորում եկն Տանաթան յԱզովտոս` ի ժամանակին իբրեւ արձակեցաւ յԱռանայ արքայէ Ասորեստանեայց. եւ ետ պատերազմ ընդ Ազովտայ, եւ առ զնա:
2. Յայնժամ խաւսեցաւ Տէր ընդ Եսայայ որդւոյ Ամովսայ` եւ ասէ: Ի Երթ եւ ի բաց հան զքուրձդ ի միջոյ քումմէ. եւ լոյծ զհողաթափս յոտից քոց: եւ արար այնպէս. եւ գնայր մերկ եւ բոկ:
3. Եւ ասէ Տէր. զոր աւրինակ գնայ ծառայ իմ Եսայի մերկ եւ բոկ, այդպէս զերիս ամս եղիցին նշանք եւ արուեստք եգիպտացւոցն, եւ եթեովպացւոց:
4. Եւ ի միտ առցեն` թէ այդպէս տարցի արքայն Ասորեստանեայց ի գերութեան զեգիպտացիսն` եւ զեթովպացիսն, զերիտասարդս եւ զծերս` մերկս եւ բոկս խայտառակեալ զամաւթ եգիպտացւոցն:
5. Եւ ամաչեսցեն ի պարտութիւն մատնեալ եգիպտացիքն ի վերայ եթւովպացւոցն, յորս յուսացեալ էին եգիպտացիքն, որք էին նոցա փառք:
6. Եւ ասասցեն բնակիչք կղզւոյդ այդորիկ յաւուր յայնմիկ. ահաւասիկ մեք յուսացեալ էաք ապաստան լինել ի սոսա յաւգնականութիւն. եւ սոքա ոչ կարացին ապրեցուցանել` եւ ոչ զանձինս իւրեանց յարքայէն Ասորեստանեայց, եւ մեք զիա՞րդ ապրեսցուք:
Հաղորդում կայքում սխալի վերաբերյալ
Տվյալ հատվածում առկա է սխալ: