1. Վայ երկրին ի թեւս նաւացն յայնկոյս գետոյն եթւովպացւոց:
2. Որ առաքէր պատարագս ընդ ծով, եւ թուղթս մագաղաթեայս ի վերայ ջուրցն մկանանց. զի երթիցեն հրեշտակք երագունք յազգ հպարտացեալ` յազգ աւտար եւ ի չար: զի ոչ եւս ոք իցէ քան զնա անդր, յազգ անյոյս եւ ի կոխեալ:
3. Եւ այժմ գետք ամենայն երկրին իբրեւ զաշխարհ բնակեալ. բնակեսցէ աշխարհ նոցա` իբրեւ զնշան ի լեռնէ բարձցի, եւ իբրեւ զձայն փողոյ լսելի եղիցի:
4. Զի այսպէս ասաց ցիս Տէր. զգուշութիւն եղիցի յիմում քաղաքի` իբրեւ զլոյս տաւթագին ի միջաւրէի, եւ իբրեւ զամպ ցաւղագին յաւուրս ամարայնոյ:
5. Յառաջ քան զհունձս յորժամ բովանդակեսցի ծաղիկն. եւ ազոխն ծաղկեսցէ ծաղիկն ազոխացեալ. եւ հատանիցէ զմանր մանր ողկուզացն մանգաղաւ, եւ զուռսն կտրիցէ եւ ի բաց հատանիցէ:
6. Եւ թողուցու միանգամայն թռչնոց երկնից եւ գազանաց երկրի. եւ ժողովեսցին ի վերայ նոցա թռչունք երկնից, եւ ամենայն գազանք երկրի հասանիցեն ի վերայ նոցա:
7. Ի ժամանակի յայնմիկ մատչիցին պատարագք Տեառն զաւրութեանց ի նեղեալ եւ ի խոնարհ ժողովրդենէ. եւ ի մեծէ ժողովրդենէ յայնմհետէ եւ յաւիտեանս ժամանակաց. ազգ յուսացեալ եւ կոխեալ` որ է ի կողմն գետոյ աշխարհի նոցա, ի տեղւոջ ուր անուն Տեառն զաւրութեանց կոչեցաւ ի վերայ լերինն Սիովնի:
Հաղորդում կայքում սխալի վերաբերյալ
Տվյալ հատվածում առկա է սխալ: