Գլուխ 60

   
1. Ի կատարած ընդ աւրհնութիւն. Սաղմոս ի Դաւիթ. Կ:

2. Լուր Աստուած աղաւթից իմոց, եւ նայեա Տէր յաղաւթս իմ:

3. Ի ծագաց երկրէ կարդացի առ քեզ, մինչ ի վաստակել սրտի իմոյ: Ի վիմէ բարձր արարեր զիս, առաջնորդեցեր ինձ,

4. իմ եղեր յոյս եւ աշտարակ հզաւր եղեր ինձ յերեսաց թշնամւոյն:

5. Բնակեցայց ես ի յարկս քո յաւիտեան, եւ ծածկեցայց ընդ հովանեաւ թեւոց քոց:

6. Դու Աստուած լուար աղաւթից իմոց. ետուր ժառանգութիւն ոյք երկնչին յանուանէ քումմէ:

7. Աւուրս յաւուրս յաւելեր թագաւորի ամաց նորա, աւուրս ազգաց մինչչեւ յազգս նորա:

8. Կայ եւ մնայ յաւիտեան առաջի Աստուծոյ ողորմութիւն, եւ ճշմարտութիւն ոյք խնդրեսցեն ի նմանէ:

9. Այսպէս սաղմոս ասացից քեզ յաւիտեանս յաւիտենից, եւ տաց քեզ զաղաւթս իմ աւրըստաւրէ: Տունք. ը: Գոբղայս. խբ: