Աւրհնութիւնք Աշտիճանաց. ՃԻԵ:
1․ Ի դարձուցանել Տեառն զգերութիւն Սիովնի, եւ եղաք մեք մխիթարեալք:
2․ Յայնժամ լցան բերանք մեր խնդութեամբ, եւ լեզուք մեր ցնծութեամբ: Յայնժամ ասասցեն ի հեթանոսս, մեծ արար Տէր առնել ընդ նոսա,
3․ մեծ արար Տէր զյառնել իւր ընդ մեզ. եւ մեք եղաք բերկրեալք:
4․ Դարձո Տէր զգերութիւնս մեր որպէս զուխս ի հարաւոյ,
5․ ոյք վարէին արտասուաւք ցնծութեամբ հնձեսցեն:
6․ Երթալով երթային եւ լային, ոյք բարձեալ տանէին զսերմանիս իւրեանց: Գալով եկեսցեն եւ ցնծասցեն, ոյք առեալ բերիցեն զորայս իւրեանց: Տունք. զ:
Հաղորդում կայքում սխալի վերաբերյալ
Տվյալ հատվածում առկա է սխալ: