Սաղմոս ի Դաւիթ. չորեքշաբաթու. ՂԳ:
1. Աստուած վրէժխնդիր, Տէր Աստուած վրէժխնդիր յայտնեցար:
2. Բարձր լեր որ դատիս զերկիր, հատո զհատուցումն ամբարտաւանից:
3. Մինչչեւ յե՞րբ մեղաւորք Տէր, մինչչեւ յե՞րբ մեղաւորք պարծեսցին:
4. Բարբառեալ խաւսեսցին զանիրաւութիւն, խաւսեսցին ամենեքեան որ գործեն զանաւրէնութիւն:
5. Զժողովուրդ քո Տէր խոնարհ արարին, եւ զժառանգութիւն քո չարչարեցին:
6. Զայրին եւ զպանդուխտն սպանին զորբսն կոտորեցին,
7. եւ ասացին ոչ տեսանէ զայս Տէր, եւ ոչ ի միտ առնու Աստուած Յակոբայ:
8. Իմացարուք անզգամք ժողովրդեան, եւ անմիտք մինչչեւ յե՞րբ ոչ առնուք ի միտ:
9. Որպէս զի թէ որ տնկեաց զունկն` ինքն ո՞չ լուիցէ, կամ որ ստեղծ զակն` ինքն ո՞չ տեսանիցէ:
10. Որ խրատէն զազինս որպէս թէ ոչ յանդիմանեսցէ. ո ուսուցանէ մարդոյ գիտութիւն.
11. Տէր ճանաչէ զխորհուրդս մարդկան զի են ընդունայն:
12. Երանի մարդոյ զոր խրատես դու Տէր, եւ յաւրինաց քոց ուսուցանես դու նմա:
13. Ցածուցանես դու նմա զաւուրս չարութեան, մինչչեւ փորեսցի խորխորատ մեղաւորի:
14. Ոչ մերժէ Տէր զժողովուրդ իւր, եւ զժառանգութիւն իւր ոչ առնէ անտես:
15. Մինչչեւ դարձցին իրաւունք յարդարութիւն. ընկալցին զնա ամենեքեան ոյք ուղիղ են սրտիւք:
16. Ո յարիցէ ընդ իս ի վերայ չարաց, կամ ո հաւասարեսցէ ինձ ի վերայ այնոցիկ որ գործեն զանաւրէնութիւն:
17. Թէ ոչ Տեառն աւգնեալ էր ինձ, փոքր միւս եւս եւ բնակեալ էր անձն իմ ի դժոխս:
18. Եթէ ասէի թէ ահա սասանեցան ոտք իմ, ողորմութիւն քո Տէր աւգնէր ինձ:
19. Ըստ բազում ցաւոց սրտի իմոյ, մխիթարութիւն քո ուրախ առնէր զանձն իմ:
20. Մի հաւասարեսցէ քեզ աթոռ անաւրէնութեան, ո պատճառէ զվաստակս ընդդէմ հրամանի:
21. Որսացան զանձն արդարոյ, եւ զարիւն անբիծ պարտաւոր առնէին:
22. Եղեւ Տէր ապաւէն իմ, Աստուած աւգնական յուսոյ իմոյ:
23. Հատուսցէ նոցա Տէր ըստ անաւրէնութեան նոցա, ըստ չարութեան նոցա կործանեսցէ զնոսա Տէր Աստուած մեր: Տունք. իա:
Հաղորդում կայքում սխալի վերաբերյալ
Տվյալ հատվածում առկա է սխալ: