Գլուխ 110

Ալէլուիա. ՃԺ:

 

1․ Խոստովան եղէց քեզ Տէր բոլորով սրտիւ իմով, ի խորհուրդս ուղղոց ի ժողովուրդս

2․ մեծ են գործք Տեառն, եւ քննեալ են յամենայնի կամք նորա:

3․ Խոստովանութիւն եւ վայելչութիւն են գործք նորա. արդարութիւն նորա մնայ յաւիտեանս յաւիտենից:

4․ Յիշատակ արար սքանչելեաց իւրոց ուղղոց. ողորմած գթած է Տէր.

5․ կերակուր տայ երկիւղածաց իւրոց: Յիշեաց յաւիտենից զուխտ իւր,

6․ զզաւրութիւն գործոց իւրոց պատուիրեաց ժողովրդեան իւրոյ:

7․ Տալ նոցա զժառանգութիւն հեթանոսաց, եւ գործք ձեռաց նորա արդարութիւն եւ իրաւունք են:

8․ Հաւատարիմ են յամենայնի պատուիրանք նորա, հաստատեալ են յաւիտեանս յաւիտենից, արարեալ են ճշմարտութեամբ եւ ուղղութեամբ:

9․ Փրկութիւն առաքեաց Տէր ժողովրդեան իւրում. պատուիրեաց յաւիտենից զուխտ իւր սուրբ եւ ահեղ է անուն նորա:

10․ Սկիզբն զգաւնութեան երկեւղ Տեառն, իմաստութիւն բարի ամենեցուն որ առնեն զնա, եւ աւրհնութիւն նորա մնայ յաւիտեանս յաւիտենից: Տունք. ը: