Գլուխ 149

Ալէլուիա. Անգեայ եւ Զաքարիայ. ՃԽԹ:

 

1. Աւրհնեցէք զՏէր յաւրհնութիւն նոր, աւրհնութիւն նմա յեկեղեցիս սրբոց:

2. Ուրախ եղեւ Իսրայէլ յարարիչ իւր, որդիք Սիովնի ցնծասցեն ի թագաւորն իւրեանց:

3. Աւրհնեսցեն զանուն նորա աւրհնութեամբ, սաղմոսիւք եւ աւրհնութեամբ սաղմոս ասասցեն նմա:

4. Հաճի Տէր ընդ ժողովուրդս իւր սուրբ, եւ բարձր առնէ զհեզս ի փրկութեան:

5. Պարծեսցին սուրբքն փառաւք, եւ ցնծասցեն ի հանգիստ իւրեանց,

6. եւ բարձր արասցեն զԱստուած բերանովք իւրեանց: Սուրք երկսայրիք են ի ձեռս նոցա,

7. առնուլ հատուցումն ի հեթանոսաց, յանդիմանութիւն ամենայն ժողովրդոց:

8. Կապել զթագաւորս նոցա կապանաւք, զզաւրաւորս նոցա ձեռակապաւ երկաթեաւ:

9. Առնել ի նոսա զդատաստանն գրեալ. փառք այս են յամենայն սրբոց նորա: Տունք. ը: