Գլուխ 113Ա

Ալէլուիա. ՃԺԳ:

   

1․ Ելանելն Իսրայէլի յԵգիպտոսէ. տանն Յակոբայ ի ժողովրդենէ այլազգեաց:

2․ Եղեւ Հրէաստան սրբութիւն նորա, եւ Իսրայէլ իշխանութիւն նորա:

3․ Ծով ետես եւ փախեաւ, եւ Յորդանան անդրէն դարձաւ:

4․ Լերինք ցնծացին որպէս խոյք, եւ բլուրք որպէս գառինք մաքեաց:

5․ Զի՞ է քեզ ծով, զո՞ տեսեր եւ փախեար, կամ դու Յորդանան զի՞ դարձար անդրէն:

6․ Լերինք` ցնծացէք որպէս խոյք, եւ բլուրք որպէս գառինք մաքեաց:

7․ Յերեսաց Տեառն սասանեցաւ երկիր, յերեսաց Աստուծոյ Յակովբայ:

8․ Ո դարձոյց զվէմն ի վտակս ջուրց, եւ զապառաժն ի յաղբերակունս: