Գլուխ 8

   
1․ Ի կատարած ի վերայ հնձանացն. Սաղմոս ի Դաւիթ. Ը:

2․ Տէր Տէր մեր` զի սքանչելի է անուն քո յամենայն երկրի: Համբարձաւ մեծ վայելչութիւն քո ի վերոյ քան զերկինս.

3․ ի բերանոյ մանկանց տղայոց ստընդիեցաց հաստատեսցի աւրհնութիւն: Վասն թշնամեաց քոց Տէր. զի եղծցին թշնամին եւ հակառակորդն:

4․ Տեսից զերկինս զգործս մատանց քոց, զլուսին եւ զաստեղս զորս դու հասատեցեր:

5․ Ո՞վ է մարդ զի յիշես դու զնա, կամ որդի մարդոյ թէ այց ինչ արասցես դու նմա:

6․ Փոքր ինչ խոնարհ արարեր զնա քան զհրեշտակս քո, փառաւք եւ պատուով պսակեցեր զնա,

7․ եւ կացուցեր զնա ի վերայ ձեռակերտաց քոց:

8․ Զամենայն ինչ հնազանդ արարեր ի ներքոյ ոտից նորա, զխաշն եւ զարջառ` եւ զամենայն ինչ:

9․ Եւս եւ զերէ վայրի, զթռչունս երկնից, զձկունս ծովուց որ շրջին ընդ շաւիղս ծովուց:

10․ Տէր Տէր մեր` զի սքանչելի է անուն քո յամենայն երկրի: Տունք. թ: Գոբղայս. իզ: