Գլուխ 46

   
1․ ‘ի կատարած. վասն որդւոցն Կորխայ. Սաղմոս ‘ի Դաւիթ. ԽԶ։

2․ Ծա՛փս հարէք ամենայն հեթանոսք, աղաղակեցէ՛ք առ Աստուած ‘ի ձայն ցնծութեան։

3․ Տէր բարձրեալ և ահարկու, Թագաւոր մեծ ‘ի վերայ ամենայն երկրի։

4․ Հնազանդ արար զժողովուրդս ընդ մեզ, և զհեթանոսս ‘ի ներքոյ ոտից մերոց։

5․ Ընտրեաց զմեզ իւր ‘ի ժառանգութիւն, գեղեցկութեանցն Յակովμայ զոր և սիրեաց։

6․ Համբարձաւ Աստուած օրհնութեամμ, և Տէր մեր ձայնիւ փողոյ։

7․ Սաղմո՛ս ասացէք Աստուծոյ մերում, սաղմո՛ս ասացէք Թագաւորին մերում սաղմո՛ս ասացէք։

8․ Թագաւոր մեծ ‘ի վերայ ամենայն երկրի Աստուած է, սաղմո՛ս ասացէք նմա օրհնութեամμ։

9․ Թագաւորեաց Աստուած ‘ի վերայ հեթանոսաց. Աստուած նստաւ յաթո՛ռ սրբութեան իւրոյ։

10․ Իշխանք ժողովրդոց ժողովեցան առ Աստուած Աμրահամու, զի Աստուծոյ զօրութիւնք յերկրէ յոյժ համբարձան։