1. Ի կատարած. ի Դաւիթ` առ յիշատակի փրկելոյ զնա Տեառն. Սաղմոս. ԿԹ:
2. Աստուած յաւգնել ինձ նայեա, եւ Տէր յընկերել ինձ փութա:
3. Ամաչեսցեն եւ յամաւթ լիցին որ խնդրէին զանձն իմ. դարձցին յետս եւ ամաչեսցեն ոյք խորհէին ինձ չար:
4. Դարձցին առ ժամայն ամաչեցեալ որ ասէին ինձ վաշ վաշ:
5. Ցնծասցեն եւ ուրախ լիցին ի քեզ, ամենեքեան որ խնդրեն զքեզ: Ասասցեն յամենայն ժամ մեծ է Աստուած, եւ ոյք սիրեն զփրկութիւնս քո:
6. Ես աղքատ եւ տնանկ եմ Աստուած աւգնեա ինձ. աւգնական եւ փրկիչ իմ ես եւ Տէր իմ մի յամենար: Տունք. զ: Գոբղայս. խդ:
Հաղորդում կայքում սխալի վերաբերյալ
Տվյալ հատվածում առկա է սխալ: