Աւրհնութիւնք Աշտիճանաց. ՃԻԷ:
1. Երանի ամենեցուն ոյք երկնչին ի Տեառնէ, եւ գնան ի ճանապարհս նորա:
2. Զվաստակս ձեռաց քոց կերիցես, երանի է քեզ, եւ բարի եղիցի:
3. Կին քո որպէս զայգի վայելուչ յանկիւնս տան քոյ. որդիք քո որպէս նորատունկ ձիթենւոյ շուրջ զսեղանով քով:
4. Այսպէս աւրհնեսցի ամենայն մարդ որ երկնչի ի Տեառնէ.
5. աւրհնեսցէ զքեզ Տէր ի Սիովնէ: Եւ տեսցես դու զբարութիւն յԵրուսաղէմ զամենայն աւուրս կենաց քոց:
6. Տեսցես դու զորդիս որդւոց քոց, խաղաղութիւն ի վերայ Իսրայէլի: Տունք. զ:
Հաղորդում կայքում սխալի վերաբերյալ
Տվյալ հատվածում առկա է սխալ: